toki Sensa

tan lipu Wikipesija
Jump to navigation Jump to search
toki Sensa

svenska

kalama [ˈsvɛ̂nːska]
ma ma Sensa
ma Sumi
kulupu toki Palata Elopa
nasin sitelen sitelen Lasina
nanpa toki
ISO 639-1 sv
ISO 639-2 swe
ISO 639-3 swe
ike la lipu ni li lili. sina wile pona e ona la sina ken suli e ona.

toki Sensa (Svenska) (anu toki Wensa) li toki lon ma Sensa lon ma Sumi. jan 10,000,000 li toki e toki Sensa.

kalama toki[o ante | o ante e toki ilo]

toki Sensa li jo e kalama mute. o lukin e ni:

kalama pi kon lili
selo uta pini pi palisa uta monsi uta
kiwen uta / nena supa kiwen supa suwi lupa kon
lon nena m n
open ala p b t d k g
kon wawa f v s ɕ ɧ h
kalama sike r, ʀ
kon suwi l j
kalama pi kon mute
sinpin uta insa uta monsi uta
sike ala sike sike ala sike sike ala sike
sewi ɪ i: ʏ yː ʉ: ʊ uː
sewi lili e: ø: ɵ
anpa lili ɛ ɛ: œ ɔ
anpa a ɑ:

nasin sitelen[o ante | o ante e toki ilo]

jan li sitelen e toki Sensa kepeken sitelen Lasina. nasin sitelen Sensa li jo e sitelen lili pi Lasina ala tu wan. ona li sitelen Å li sitelen Ä li sitelen Ö.

ni li kulupu sitelen Sensa li nimi sitelen li kalama sitelen:

sitelen lili pi toki Sensa
sitelen nimi sitelen kalama kalama sama pi toki pona sitelen nimi sitelen kalama kalama sama pi toki pona
Aa a [ɑ:] [a], [ɑː] pali Pp pe [peː] [p] pilin
Bb be [beː] [b] pali, taso kepeken linja kalama Qq qu [kʉː] [k] kili
Cc ce [seː] [s], [k] sike / kalama Rr err [ɛrː] [r]/[ʀ]/[ɹ] kalama li ala lon toki pona
Dd de [deː] [d] taso, taso kepeken linja kalama Ss ess [ɛsː] [s] sama
Ee e [eː] [ɛ], [eː], [ə] ken Tt te [teː] [t] telo
Ff eff [ɛfː] [f] kalama li ala lon toki pona. Uu u [ʉː] [ɵ], [ʉː] kalama li ala lon toki pona.
Gg ge [geː] [g], [j], [ɧ]* kala, taso kepeken linja kalama,

jelo

Vv ve [veː] [v] kalama li ala lon toki pona.

ona li lili sama W.

Hh hå [hoː] [h] kalama li ala lon toki pona. o kon tan

uta kepeken kalama linja ala.

Ww dubbelve

[ˌdɵbːəl.ˈveː]

Ii i [iː] [ɪ], [iː] lipu Xx ex [ɛks] [ks], [s] k lon nimi kala en s lon nimi selo
Jj ji [jiː] [j] jo Yy y [yː] [ʏ], [yː] kalama li ala lon toki pona. taso ona li

lili sama i lon nimi kili

Kk kå [koː] [k], [ɕ] kala Zz zäta [ˈsɛːta] [s] selo
Ll ell [ɛlː] [l] lipu Åå å [oː] [ɔ], [oː] pona
Mm em [ɛmː] [m] moku Ää ä [ɛː] [ɛ], [ɛː] telo
Nn en [ɛnː] [n] nena Öö ö [øː] [øː], [œ] kalama li ala lon toki pona.
Oo o [uː] [ʊ], [uː], [ɔ], [oː] uta / moku *taso lon nimi tan toki ante

sitelen Sensa li jo e kulupu mutu pi sitelen lili. ona li jo e kalama ante:

kulupu pi sitelen lili
sitelen kalama *sona sin
sj, skj, stj,

sch

[ɧ]
sk taso lon sinpin pi sitelen e, i, y, ö, ä

lon sinpin sitelen a, o, u, å la kalama li [sk]

xj [kɧ] taso lon nimi xjö (ma tomo lon ma Sensa). ante la

kalama li [ksj]

ch [ɧ] / [ɕ] / [k] lon nimi och la kalama li [k]

ante la nimi li tan toki ante.

ck [k]
tj, kj (k) [ɕ] lon sinpin sitelen e, i, y, ä, ö la sitelen k li jo e kalama ni
lj, dj, gj (g) [j] lon sinpin sitelen e, i, y, ä, ö la sitelen g li jo e kalama ni
ti, si [ɧ] lon sinpin sitelen o lon nimi tan toki ante. nimi li ken

nimi station anu nimi passion

zz [ts] lon nimi tan toki ante

nasin toki[o ante | o ante e toki ilo]

nasin pi kulupu nimi[o ante | o ante e toki ilo]

kulupu nimi suli[o ante | o ante e toki ilo]

nasin pi kulupu nimi Sensa li nasin SVO (jan pali, pali, ijo pi pali ala). taso ona li ken ante. lawa suli kin li ni: nimi pali li nimi nanpa tu lon kulupu nimi. taso lon kulupu nimi pi wile sona la nimi pali li nanpa wan. o lukin e ni:

toki Sensa nimi lon toki pona kulupu nimi lon toki pona sona
Jag äter ett äpple mi moku wan kili mi moku e kili toki Sensa li jo ala e nimi e pi toki pona. tenpo mute la kulupu nimi e

li lon monsi pi nimi pali.

Har huset en dörr? jo tomo wan lupa? tomo li jo ala jo e lupa? lon toki pi wile sona, la nini pali li nanpa wan. toki Sensa li jo ala e

nimi li pi toki pona.

Mannen ser inte dörren mije lukin ala lupa mije li lukin ala e lupa nimi ala (inte) li kama lon monsi pi nimi pali.
Om den är bra, tar jag den "la" ona "li" pona, lanpan mi ona ona li pona, la mi lanpan e ona kulupu nimi lili li lon sinpin kulupu suli, la nimi pali li awen lon nanpa tu.

nimi pi jan pali (jag) li lon monsi pi nimi pali.

kulupi pi nimi ijo[o ante | o ante e toki ilo]

lon kulupu pi nimi ijo la nimi ijo li lon pini. nimi ante li lon sinpin pi nimi ijo.

  • Ett stort hus (tomo suli)
  • Många väldigt bra böcker (lipu mute pi pona mute)
  • Min konstiga telefon (ilo toki nasa mi)

nimi jan[o ante | o ante e toki ilo]

toki Sensa li ante e nimi jan tan ni: nimi jan li toki e nasin pali jan. jan li pali e ijo la toki Sensa li kepeken e nimi jan. ijo pali e jan la toki Sensa li kepeken e nimi jan ante. toki Sensa li ante kin e nimi jan tan ni: nimi jan li toki e nanpa jan.

nimi jan
jan li... ...e jan jan li jo e ijo
jag (mi) mig (...e mi) min, mitt, mina (... mi)
du (sina) dig (...e sina) din, ditt, dina (... sina)
han/hon/hen (ona (jan)) honom/henne/hen(om) (...e ona) hans/hennes/hens (... ona (jan))
den/det (ona (ijo)) den/det (...e ona (jan ala)) dess (... ona (ijo))
vi (mi mute) oss (...e mi mute) vår, vårt, våra (... pi mi mute)
ni (sina mute) er (...e sina mute) er, ert, era (... pi sina mute)
de (ona mute) dem (...e ona mute) deras (... pi ona mute)

nimi ijo[o ante | o ante e toki ilo]

kulupu nimi[o ante | o ante e toki ilo]

toki Sensa li jo e kulupu tu pi nimi ijo. kulupu ni li ante e nimi ante. o lukin e ni:

stort hus (tomo suli)

stor växt (kasi suli)

nimi stor (suli) li ante. nimi hus en nimi växt li lon kulupu tu ante.

nanpa ijo en sona ijo[o ante | o ante e toki ilo]

toki Sensa li ante e nimi ijo tan ni: nimi ijo li toki e nanpa ijo. nimi ijo li toki e ni kin: jan toki li sona ala sona e ijo?

ante pi nimi ijo
wan mute
ijo pi sona ala ijo sona ijo pi sona ala ijo sona
ett hus (tomo) huset (tomo ni) hus (tomo mute) husen (tomo mute ni)
en växt (kasi) växten (kasi ni) växter (kasi mute) växterna (kasi mute ni)
en bok (lipu) boken (lipu ni) böcker (lipu mute) böckerna (lipu mute ni)
en kvinna (meli) kvinnan (meli ni) kvinnor (meli mute) kvinnorna (meli mute ni)

nimi ijo li jo e ijo la sitelen lili -s li namako lon monsi nimi. nimi jo li sinpin nimi ijo. o lukin e ni:

husets växt (kasi tomo)

böckernas text (sitelen pi lipu mute)

nimi pali[o ante | o ante e toki ilo]

toki Sensa li ante e nimi pali tan ni: nimi pali li toki e tenpo e nasin pali. nimi pali li ken toki e tenpo luka: tenpo pini lon tenpo pini, tenpo pini lon tenpo ni, tenpo pini, tenpo ni, en tenpo kama. nimi pali li ken toki e nasin pali tu wan: nasin lon, nasin o, nasin pi ante lon. jan li ala kepeken mute e nasin pi ante lon. sama toki pona la toki Sensa li ante ala e nimi pali tan ni: jan seme li pali.

nimi pali li lon kulupu tu tu wan. lon kulupu nanpa wan la nimi pali li kama jo e pini -ar lon tenpo ni. kulupu ni li jo e nimi pali mute, li jo e nimi pali tan toki ante. kulupu nanpa tu la nimi pali li kama jo e pini -er lon tenpo ni li jo e pini -t lon ante nimi Supinun. kulupu nanpa tu wan la nimi pali li kama jo e pini -r lon tenpo ni. kulupu nanpa tu tu la nimi pali li kama jo e pini -er lon tenpo ni, li kama jo e pini -it lon ante nimi Supinun, li jo e ante pi insa nimi lon tenpo pini lon ante nimi Supinun. kulupu nanpa tu tu wan la nimi pali li jo e lawa ala.

nimi pali ante
tenpo ala tenpo ni tenpo pini tenpo pini lon tenpo ni

har + ante Supinun

tenpo pini lon tenpo pini

hade + ante Supinun

tenpo kama

ska + tenpo ala

nasin o ("o lon") nasin pi ante lon

("ona li lon la ...")

1 älska (olin) älskar älskade har älskat hade älskat ska älska älska älskade
2 tycka (isipin) tycker tyckte har tyckt hade tyckt ska tycka tyck tyckte
3 må (pilin) r dde har mått hade mått ska må dde
4 skriva (sitelen) skriver skrev har skrivit hade skrivit ska skriva skriv skreve*
5 vara (lon) är var har varit hade varit ska vara var vore
gå (tawa) r gick har gått hade gått ska gå ginge*

*jan pi mute ala li toki kepeken ante nimi ni.