toki Sisin

tan lipu Wikipesija
Revision as of 2022-09-30T09:01:48 by Jan Ke Tami (toki | ante)
(ante) ← Older revision | Latest revision (ante) | Newer revision → (ante)
Jump to navigation Jump to search
toki Sisin

Xdi8 Aho

sitelen li lon ni
kalama [ɕitjẽɪ̃ axo]
mama jan Wan Sepe
kulupu toki toki sin
nasin sitelen sitelen Lasina, sitelen Kansi
nanpa toki
ISO 639-3 ala (mis)

toki Sisin (toki Sonko: 希顶语, "sewi wile") (toki Sisin: Xdi8 Aho 灯⿰纟火 ɕitjẽɪ̃ axo) li toki sin tan jan Wan Sepe (toki Sonko: 黄雀飞).ona li tan toki Sonko, taso jan Wan Sepe li ante mute e ni.

ona li pali e toki ni tan ni: toki Sonko la nimi mute li kalama sama. ona li wile e ni: toki Sisin li anpa e toki Sonko li weka e ona.

tenpo sike 1990s la jan Wan Sepe li pali e toki ni. taso, jan pi mute ala li sona e ni. tenpo sike 2020 la jan Raymond li pana e lipu o sona e toki Sisin kepeken ilo Siku. ni la jan mute li kama sona e ni.

nasin toki[o ante | o ante e toki ilo]

lon toki Sisin la, sitelen Kansi wan li jo e nasin toki wan taso. nasin toki wan li lon sitelen Kansi wan taso.

nasin toki pi sitelen Kansi mute li tan sitelen pi sitelen Kansi ni. nasin toki 顶 (rdi8) li tan 丁 (di8). lawa pi sitelen Kansi (toki Inli: radical) ona li 页. sitelen Sisin pi lawa 页 li sitelen r.

nasin sitelen[o ante | o ante e toki ilo]

toki Sisin li kepeken e sitelen Sisin (toki Sonko: 希顶字母). sitelen ni li tan sitelen Lasina, taso jan Wan Sepe li ante e sitelen li pali e ona. sitelen Sisin li jo e sitelen mute mute luka (45).

ken la, toki Sisin li kepeken e sitelen Kansi Sisin (toki Sonko: 希顶汉字). sitelen ni li tan sitelen Kansi. lon sitelen Kansi Sisin la, nimi pi toki Sisin li jo e sitelen ⿰纟火. toki ilo Juniko li jo ala e ona lon tenpo ni.

lipu pi toki Sisin[o ante | o ante e toki ilo]

  • YY8XHOKㄜ3卜 (pipi suno) - ante toki pi lipu "萤火虫" tan jan Wan Sepe.