tomo pi wawa telo

tan lipu Wikipesija
Jump to navigation Jump to search
sitelen pi tomo pi wawa telo

wawa telo li wawa tan telo. wawa telo mute li kama tan wawa awen pi telo tawa. tenpo mute la telo ni li tawa e ilo. ilo ni li pali e wawa.

pona[o ante | o ante e toki ilo]

pona suli pi wawa telo li ni: wawa telo kepeken ala e wawa telo e wawa kiwen e wawa kon. jan li wile kama jo e wawa la ona o pana e mani. taso jan li wile kama e wawa telo la ona li pana ala e mani. tenpo mute la tomo pi wawa telo li lon. taso tenpo lili la tomo pi wawa ante li lon.

tomo pi wawa telo li kama e ni: telo suli li lon. telo suli li pona tawa jan mute. ona li tawa telo suli li pana e mani.

ike[o ante | o ante e toki ilo]

sitelen li toki e ni: o weka!

ken la tomo pi wawa telo li kama e ni: kala li ken ala tawa ma mama ona. waso li weka tan tomo pi wawa telo.

tomo pi wawa telo li kama e ni: telo suli li lon. telo suli lon ma seli li pana e kon ike tan ni: kasi li lon anpa telo la kasi li moli li pana e kon ike.

ike ante pi wawa telo li ni: ken la jan li wile weka tan ma lon tomo pi wawa telo. ken la telo li kama tawa ma ona li pakala e ona. ken la telo kama sewi pi ma ona. ken la ma ona li pona mute tawa jan. taso jan li ken ala lon ma ona.

lipu ante[o ante | o ante e toki ilo]