tomo tawa

jan li wile e ni: lipu ni en lipu "ilo tawa" li kama wan. (o toki).

sitelen lili pi tomo tawa mute

tomo tawa li tawa li poka e jan anu ijo lon.

tenpo mute la jan li kepeken tomo tawa – ni li ilo tawa. jan li ken lawa e tomo tawa tawa ma ante. tomo tawa jan li tawa lon ma lon telo lon kon. jan li wile tawa mute la jan li pali e tomo tawa mute. tomo tawa li ken pali e nasin sin. taso ma li ken pali e tomo tawa kin.

tomo tawa lon ma

tomo tawa Otomopi (tomo tawa pi sike tu tu)

tomo tawa Otomopi Tojota Kolola (Toyota Corolla) lon ma Oselija.

tomo tawa Otomopi (automobile) li tomo tawa nasin lon ma. tenpo mute pi poka ali la, ona li jo e sike nanpa tu tu.

jan mute li pilin e ni: tomo tawa ni li ike tawa ma. ni li tan ni: tomo tawa li pana e kon ike li ken pakala e ma li ken moli e jan mute; jan kepeken tomo tawa la pakala tawa li ken kama. jan mute li moli tan ni.

tomo tawa linja

o lukin: tomo tawa linja

jan mute li ken kama lon tomo tawa linja. tomo ni o tawa kepeken nasin kiwen.

tomo tawa lon telo

• 
  tomo tawa ni li tawa kepeken kon tawa.
• 
  tomo tawa ni li tawa lon anpa pi supa telo.

tomo mute li ken tawa lon telo.

tomo tawa lon kon

tomo tawa kon Konko (Concorde) lon kon

tomo tawa kon (anu ilo tawa kon anu tomo tawa waso) li tomo tawa li tawa lon kon. kon li tawa e ijo tawa sewi la, ni li ken tawa lon kon. tenpo mute la, tomo tawa kon li jo e lukin kon.

tenpo pini

• 
  tomo tawa kon pi jan Clément Ader

tenpo ale la, jan li wile tawa lon kon. taso, jan li waso ala. tan la, jan li pali e ilo. jo ni la, jan li ken tawa lon kon. ilo ni li tomo tawa kon. tomo tawa kon pi nanpa wan li pali lon 1897 lon ma Kanse. jan Kelemen Atele li lawa e ni. kama la, ilo mute li pali. utala suli nanpa wan la, tomo tawa kon li pali kepeken tenpo lili.

tenpo ni la, kulupu utala en kulupu tawa en kulupu pi seli pakala li kepeken tomo tawa kon.

tomo tawa nasin

• 
  nasin sewi ni li ken tawa. tan ni la tomo tawa lon telo en tomo tawa lon ma li ken tawa.
• 
  lupa nasin

tomo tawa li ken pali li ken open e nasin. ona li kipisi e nasin. jan li tawa insa tomo kepeken lupa nasin. tomo ni li kipisi e insa tomo tan insa ala. tomo tawa pi nasin sewi li lon nasin telo li ken e ni: tomo tawa lon telo en tomo tawa lon ma li ken tawa kin.

tomo tawa pi jan ala

kasi moli li ken tawa e soweli

tomo tawa mute li pali ala tan jan. kin la ma li pali e tomo tawa pona. pipi en soweli lili en akesi en ijo lon ante li tawa ma ante kepeken kasi moli lon telo. kasi moli ni li ken tawa e soweli. ni la soweli tan ma ante li ken lon ma sin. tenpo ni la jan li pana e jaki ona tawa ma tawa telo suli. jaki mute li lon sewi telo. ni la soweli li ken tawa kepeken jaki jan ni.

ijo lon li ken awen lon selo pi soweli suli. ni la ijo lon li ken tawa mute. nimi ona lon toki Inli li "phoresy". tenpo mute la ni li ike ala e soweli suli. sitelen poka e sitelen e ni: pipi lili li ken awen lon pipi suli. pipi lili li ken tawa tawa ma pi moku pona kepeken pipi suli. kala li ken pail sama. kala pi kulupu Echeneidae li awen lon selo pi kala suli anu jan kin. kala pi kulupu Echeneidae li moku e pipi ike lon selo pi kala suli. tan ni la ona en kala suli li kama pona.