tomo tawa
|
jan li wile e ni: lipu ni en lipu "ilo tawa" li kama wan. (o toki). |
tomo tawa li tawa li poki e jan anu ijo. mute la jan li kepeken tomo tawa – ni li ilo tawa. jan li lawa e tomo tawa tawa ma ante. jan li wile tawa mute. ni la jan li pali e tomo tawa mute. tomo tawa pi pali jan li ken tawa lon ma. tomo ante li ken tawa lon telo anu kon. kin la ma li ken pali e tomo tawa pi pali jan ala. soweli li tawa ma suli ante kepeken kasi moli lon telo.
tomo tawa lon ma[o ante | o ante e toki ilo]
tomo tawa pi sike tu tu[o ante | o ante e toki ilo]
_Conquest_Seca_5-door_hatchback_(2015-07-03)_01.jpg)
tomo tawa pi sike tu tu li tomo tawa nasin lon ma. tenpo mute pi poka ali la, ona li jo e sike nanpa tu tu.
jan mute li pilin e ni: tomo tawa ni li ike tawa ma. ni li tan ni: tomo tawa li pana e kon ike li ken pakala e ma li ken moli e jan mute; jan kepeken tomo tawa la pakala tawa li ken kama. jan mute li moli tan ni.
tomo tawa linja[o ante | o ante e toki ilo]
jan mute li ken kama lon tomo tawa linja. tomo ni o tawa kepeken nasin kiwen.
tomo tawa sewi[o ante | o ante e toki ilo]
_-_15.JPG)
sike la tomo tawa ni li tawa sewi tawa anpa. ni li ken tawa nasin awen taso. jan li wile tawa supa ante la jan li tawa insa li nena e nanpa pi supa ni. ni li pini la tomo li poki e jan li tawa supa wile ona. tenpo mute la tomo ni li lon tomo suli.
tomo tawa lon telo[o ante | o ante e toki ilo]
-
tomo tawa ni li tawa kepeken kon tawa. -
tomo tawa ni li tawa lon anpa pi supa telo.
tomo mute li ken tawa lon telo. tenpo pini la tomo tawa lon telo li kepeken kon taso. tenpo ni la moku selo li wawa e tomo tawa mute. jan li wile tawa e ijo mute la jan li kepeken tomo tawa ni. lon la jan li wile esun e ijo la jan li kepeken nanpa wan. ijo esun 8 tan 10 li tawa lon telo.[1]
tomo tawa lon kon[o ante | o ante e toki ilo]
tomo tawa kon (anu ilo tawa kon anu tomo tawa waso) li tomo tawa li tawa lon kon. kon li tawa e ijo tawa sewi la, ni li ken tawa lon kon. tenpo mute la, tomo tawa kon li jo e lukin kon.
tenpo pini[o ante | o ante e toki ilo]
-
tomo tawa kon pi jan Clément Ader
tenpo ale la, jan li wile tawa lon kon. taso, jan li waso ala. tan la, jan li pali e ilo. jo ni la, jan li ken tawa lon kon. ilo ni li tomo tawa kon. tomo tawa kon pi nanpa wan li pali lon 1897 lon ma Kanse. jan Kelemen Atele li lawa e ni. kama la, ilo mute li pali. utala suli nanpa wan la, tomo tawa kon li pali kepeken tenpo lili.
tenpo ni la, kulupu utala en kulupu tawa en kulupu pi seli pakala li kepeken tomo tawa kon.
tomo tawa pi jan ala[o ante | o ante e toki ilo]
.jpg)
tomo tawa mute li pali ala tan jan. kin la ma li pali e tomo tawa pona. pipi en soweli lili en akesi en ijo lon ante li tawa ma ante kepeken kasi moli lon telo. kasi moli ni li ken tawa e soweli. ni la soweli tan ma ante li ken lon ma sin. tenpo ni la jan li pana e jaki ona tawa ma tawa telo suli. jaki mute li lon sewi telo. ni la soweli li ken tawa kepeken jaki jan ni.[2]
soweli lili li ken awen lon selo pi soweli suli. ni la ona li ken tawa mute. tenpo mute la ni li ike ala e soweli suli. sitelen poka e sitelen e ni: pipi lili li ken awen lon pipi suli. pipi lili li ken tawa ma pi moku pona kepeken pipi suli. kala li ken pail sama. kala pi kulupu Echeneidae li awen lon selo pi kala suli anu jan kin. kala pi kulupu Echeneidae li moku e pipi ike lon selo pi kala suli. tan ni la ona en kala suli li kama pona.[3]
tan sona[o ante | o ante e toki ilo]
- ↑ lipu UNCTAD. nimi "Shipping data: UNCTAD releases new seaborne trade statistics". https://unctad.org/news/shipping-data-unctad-releases-new-seaborne-trade-statistics
- ↑ https://doi.org/10.1016/j.marpolbul.2024.116919
- ↑ lipu ''Encyclopaedia Britannica''. nimi "remora". https://www.britannica.com/animal/remora.