tonsi

tan lipu Wikipesija
Revision as of 2021-06-07T23:07:59 by Tepo (toki | ante) (Bot: Adding category lipu ni li lon lipu Panton kin la o lukin)
Jump to navigation Jump to search
kule pi jan tonsi ale

jan tonsi li jan pi kule ni: ona li sama ala kule pi sijelo ona. ken la, jan tonsi li ken meli pi sijelo mije, li ken mije pi sijelo meli. ken la, jan tonsi li meli taso ala li mije taso ala. jan tonsi mute li ante e sijelo ona tan ni: ona li lukin sama kule ike. taso, jan tonsi li ken wile ala ante e sijelo ona. jan tonsi mute li jo e nimi ante ni: mama ona li pana e nimi tawa ona lon tenpo pi kama lon.

tonsi li nasin olin ala. jan tonsi li ken olin e jan ale, anu jan pi kule wan, anu jan ala, anu ante.

nimi

jan tonsi ante li kepeken nimi ante tawa tonsi ona. jan tonsi li ken wile ala e ni: jan ante li kepeken nimi "tonsi" tawa ona. toki ante la, jan tonsi li ken wile e ni: jan ante li kepeken nimi ante tawa ona.

toki pona la, nimi "tonsi" li lon lipu pu ala. taso, jan mute pi toki pona li sona e ona li kepeken ona. jan Sonja li toki e ni: "nimi 'tonsi' li pona".

sitelen

kulupu jan tonsi li jo e sitelen kule tu. sitelen kule nanpa wan li jo e kule ni: laso sewi, loje walo, walo, loje walo, laso sewi. kule ni li kule pi jan tonsi ale. sitelen kule nanpa tu li jo e kule ni: jelo, walo, laso loje, pimeja. kule ni li kule pi jan tonsi ni: ona li mije taso ala li meli taso ala.

kule pi jan tonsi ni: ona li mije taso ala li meli taso ala

toki ilo Juniko la, sitelen tonsi (⚧) li sitelen nanpa 26A7 (nasin nanpa luka luka luka wan).