unpa

tan lipu Wikipesija
Jump to navigation Jump to search
unpa pipi

unpa la ijo sijelo[toki 1] li wan e sijelo ona tawa pilin pona, anu tawa mama, anu tawa wile tu.

unpa mama la ijo sijelo li unpa tawa wile ni: ijo sijelo sin li kama lon. jan la jan li pana e telo mama lon lipu mama la, ni li ken pana e jan lili.

unpa musi la ijo sijelo li musi tan unpa. ken la ona li pali sama unpa mama. ken la ona li unpa mama ala sama unpa uta.

ijo sijelo li ken unpa tan wile tu ni.

jan la tenpo mute la jan unpa li jan olin. taso ni li ken ala kin. kin unpa li ken tan utala unpa. ni li ike mute.

tenpo mute la meli li unpa e mije. taso meli li ken unpa e meli. kin mije li ken unpa e mije. kin meli en mije li ken unpa e tonsi. kin tonsi ken unpa e tonsi. tenpo mute la jan ni li lon kulupu kule. taso jan ante li lon kulupu kule ala, li unpa e jan pi kon sama.

kin ijo sijelo li ken unpa e ona.

unpa jan[o ante | o ante e toki ilo]

unpa mama[o ante | o ante e toki ilo]

unpa pi pali lon la, jan li insa lupa mama pi jan ante kepeken palisa mama ona. palisa mama li ken pana e telo mama tawa lupa mama. telo mama la kipisi jan lili li tawa kipisi mama awen lon poki mama. kipisi mama tawa li alasa e kipisi mama awen. ona li wan e ona la, jan lili li ken open kama.

unpa musi pi jan tu anu jan mute[o ante | o ante e toki ilo]

tawa jan mute la unpa li musi. kin pini unpa li ken musi mute.

unpa ni li ken sama unpa mama. ante la jan li ken insa lupa unpa ante. lupa uta en lupa monsi li ken lupa unpa tawa jan mute. jan li ken insa lupa ale ni kepeken palisa mama, kepeken palisa luka, kepeken ilo unpa. kin unpa musi mute la jan li insa ala e lupe. ona li luka e palisa mama, e selo pi lupa unpa, e nena sijelo. kulupu kule la jan li unpa sama ni lon tenpo mute.

unpa pi jan wan[o ante | o ante e toki ilo]

jan wan li unpa tan musi. jan li luka e palisa mama, e nena sijelo, e selo pi lupa mama, li insa e lupa mama, e lupa monsi kepeken palisa luka ona, kepeken ilo unpa. tenpo mute la unpa luka li pilin e palisa anu lupa anu nena mama kepeken luka. ilo unpa ante li lon. jan li ken sike e palisa mama kepeken ilo unpa. ilo unpa ante li tawa.

toki[o ante | o ante e toki ilo]

  1. ijo sijelo li jan, li soweli, li akesi, li waso, li kala, li pipi. soko mute en ijo lon lili mute li ken wan mama. taso ona li unpa ala.