sina ante e lipu "uta"


'''uta''' li lupa lawa sijelo. soweli mute la [[kiwen uta]] en [[palisa uta]] li lon uta. [[ijo lon]] mute li jo e uta li moku kepeken ona. ante la uta li ken pali e kalama.

moku la uta li ken pakala e moku. ona li ken pali e ni kepeken kiwen uta. sama la soweli mute li utala kepeken kiwen uta. uta li ken pilin e moku. ona li ken pali e ni kepeken palisa uta.

ijo li ken insa e kon li ken pana e ona kepeken uta.

jan li ken [[toki]] kepeken uta. kalama toki li kama tan insa uta. soweli en akesi en waso li [[mu]] taso kepeken uta. kala en pipi li ken ala kalama kepeken ona.

uta li ken pali e [[kalama musi]]. kalama ni li kama tan uta li tawa lon kon. jan en [[waso]] li pali e ni.
<gallery>
Close up man lips.jpg|uta jan
ijo:Australien-Krokodil.JPG|thumb|akesi li open e uta. kiwen uta ona li lon poka uta
</gallery>
==palisa uta==
'''palisa uta''' anu '''palisa toki''' li lon insa pi uta. soweli li kalama la ona li ken ante e kalama kepeken palisa ni. palisa uta li ante e [[moku]] lon insa uta li pilin e moku li pana e [[musi moku]].
<gallery>
Sluuuurp (504761442).jpg|palisa uta soweli
</gallery>
==pilin uta==
pilin uta la, jan li pilin e ijo kepeken palisa uta ona. nena mute li lon palisa. pilin uta li kama tan nena ni. jan li wile e pilin uta ante la, jan li ken pana e [[namako]]. pilin uta suli li [[suwi]] li [[pilin Sour]] li [[pilin Salty]] li [[pilin Bitter]] li [[pilin Umami]].
<gallery>
Taste bud.svg|nena pi pilin uta
</gallery>

[[kulupu:uta| ]]
[[kulupu:sijelo]]
[[kulupu:lipu ni li tan lipu Panton la o lukin]]