uta
uta li lupa lawa. ijo mute li jo e uta li moku kepeken ona. ijo mute la kiwen en palisa li lon uta. moku la uta li ken pakala e moku. ona li ken pali e ni kepeken kiwen. uta li ken pilin e moku kepeken palisa. ante la ijo li ken insa e kon li ken pana e ona kepeken uta.
uta li ken pali e kalama. jan li ken toki kepeken uta. kalama toki li kama tan insa uta. soweli en akesi en waso li mu taso kepeken uta. kala en pipi li ken ala kalama kepeken ona.
uta li ken pali e kalama musi. kalama ni li kama tan uta li tawa lon kon. jan en waso li pali e ni.
palisa uta[o ante | o ante e toki ilo]
palisa uta li lon insa uta. palisa uta li ante e moku lon insa uta li pilin e moku li pana e musi moku. ijo li kalama la ona li ken ante e kalama kepeken palisa ni.
palisa uta soweli
.jpg)
pilin uta[o ante | o ante e toki ilo]
pilin uta la, jan li pilin e ijo kepeken palisa uta ona. nena mute li lon palisa. pilin uta li kama tan nena ni. jan li wile e pilin uta ante la, jan li ken pana e namako. suwi li pilin uta.
nena pi pilin uta
