sina ante e lipu "utala pi ante suli pi ma Mewika"

utala li open lon ma tomo Lexington. jan Paul Revere li lukin e jan utala Piten kama. jan Revere li tawa jan mute li toki e ni: "jan Piten li kama! jan Piten li kama!" ma tomo Concord li poka ma tomo Lexington. jan pi ma tomo Concord li jo e ilo moli li moli e jan utala Piten mute.

ni li ike tawa jan lawa pi [[ma Piten]]. ona li pana e jan utala Piten sin mute.

jan utala Piten li pakala mute e jan utala Mewika. jan George Washington li lawa e kulupu utala Mewika. ona li sona mute li lawa pona e kulupu utala Mewika. taso kulupu utala Piten li wawa mute. jan Mewika li ken ala anpa e ona.

tenpo lete li kama. jan utala Mewika li jo ala e moku e len. kulupu utala Mewika li awen lon ma ante li utala e jan Piten. jan utala Mewika li pilin ike.

jan Thomas Paine li wile mute e ni: ma Mewika li anpa e jan Piten. toki pi jan Thomas Paine li kama e ni: jan utala Mewika li pilin pona.

tenpo pimeja la jan utala Mewika li tawa jan utala Tosi. (jan utala Tosi li utala tan ni: jan lawa pi ma Piten li pana e mani tawa ona.) jan Tosi ni li nasa. jan utala Mewika li anpa e ona.

ni li pona mute tawa jan Mewika. jan Mewika li pilin e ni: "ken la mi mute li ken anpa e jan Piten." jan Mewika mute sin li wile utala.

jan utala Kanse li tawa [[ma Mewika]]. jan Piten li ike tawa jan Kanse. jan Kanse li utala lon [[ma Mewika]] tan ni. jan utala Kanse li pana e sona utala mute tawa jan utala Mewika. kulupu utala Mewika li kama wawa.

jan Cornwallis li lawa e kulupu utala Piten lon ma tomo Yorktown. jan utala Mewika mute li kama tawa ma ni. jan utala Piten li ken ala anpa e jan Mewika ni. jan Cornwallis li wile e ni: jan utala Piten li tawa weka tan jan utala Mewika. ona li tawa telo li lukin e ni: tomo tawa telo utala Kanse li awen lon telo. jan Cornwallis li ken ala tawa.

jan Mewika li anpa e kulupu utala Piten. ni li pini e utala pi lawa Mewika.

{{toki ante|
[[wikipedia:de:Amerikanischer Unabhängigkeitskrieg|de]] -
[[wikipedia:en:American Revolutionary War|en]] -
[[wikipedia:eo:Usona Revolucio|eo]] -
[[wikipedia:es:Historia de la Independencia de los Estados Unidos de América|es]] -
[[wikipedia:fr:Guerre d'indépendance des États-Unis d'Amérique|fr]] -
[[wikipedia:it:Guerra di indipendenza americana|it]] -
[[wikipedia:ja:アメリカ独立戦争|ja]] -
[[wikipedia:nl:Amerikaanse Onafhankelijkheidsoorlog|nl]] -
[[wikipedia:sv:Nordamerikanska frihetskriget|sv]]
}}


[[kulupu:utala]]
[[kulupu:ma Mewika]]
[[kulupu:lipu ni li tan lipu Panton la o lukin]]