ante suli pi kon ma
ante suli pi kon ma li kama lon tenpo ni. tenpo pini la, kon li kama seli anu kama lete. taso, ante ni li kama kepeken tenpo mute. tenpo ni la, kon li ante kepeken tenpo lili. ante ni li kama tan pali jan. jan li seli kepeken poki wawa pi ijo moli la, ona li pana kon CO2. kon CO2 li awen e suno lon kon ma. tan ni la, ma li kama seli.
ni li pana e ante suli. kiwen lete li kama telo. tan ni la, telo suli li kama sewi. ni li ken pakala e ma. ma pi telo lili li kama suli. seli wawa li kama mute. ona li ken pakala e ma tawa soweli tawa kasi. jan en kulupu lawa li wile tawa lili e ante suli anu lili e ike ona. tenpo sike nanpa 2015 la, kulupu lawa pi kulupu ma wan li toki tawa wile ni lon ma tomo Paki. ona li toki e ni: kama seli la, o awen e lili tawa seli pi nanpa 2°C. taso, nanpa pi pana pi kon CO2 pi tenpo ni la, ken li lili. nanpa li awen lili la, jan li wile pali mute.[1] jan mute li wile tawa kepeken poki wawa ante tan ni: tawa pini e ante suli.