kulupu Amason
kulupu Amason (toki Inli: Amazon) li kulupu esun pi ilo sona pi linluwi. ona li kama tan ma Mewika. mama en jan lawa ona li jan Se Peso (Jeff Bezos). lipu ilo la jan li ken esun e ijo ante mute. jan pali pi lipu Amason li pana e ijo tawa tomo jan kepeken tenpo lili. kin la, kulupu Amason li jo e ijo ante kin. ona li pana e sitelen tawa kepeken sitelen tawa Amason Pijen (Amazon Prime Video) e kalama musi kepeken kalama musi Amason (Amazon Music). ona li pali e ilo pi lukin e lipu toki. ni li ilo Kinte (Amazon Kindle).
kin la, kulupu Amason li kama jo e kulupu ante. ona li esun e kulupu Suke (Zoox) e ilo Tuwi (Twitch) e kulupu Jo Pu Make (Whole Foods Market) e lipu IMDb.
lipu Amason la jan mute li pilin ike. ni li tan nasin esun pi lipu Amason.