misikeke

tan Wikipesija
o tawa poki nasin o tawa alasa
palisa pi jan Alipijo
Merge-split-transwiki default.svg jan li wile e ni: lipu ni li tawa lipu "ijo pi pona sijelo". (o toki).

ijo pi pona sijelo anu misikeke[nimi] li ijo ni: sijelo jan anu sijelo soweli li ike la, ona li ken pona e sijelo, li ken weka e pilin ike.

ante mute pi ijo ni li lon. ijo ante li ken pali e ni:

  • ona li ken weka e ijo ike tan sijelo.
  • ona li ken pali e ni: sijelo li ken utala e ijo ike lon tenpo kama.
  • ona li ken weka e pilin ike tan sijelo.
  • ona li ken pona e sijelo kepeken nasin ante.

ike sijelo ante la, ijo pi pona sijelo ante li pona.

tenpo ante la, ijo pi pona sijelo li ken ike e sijelo. sina wile moku e ijo pi pona sijelo la, o sona e ni: ijo ni li pona tawa ike seme? ike seme li ken?

sona pi pona sijelo li wile sona e ni: ijo seme anu pali seme li ken weka e ike tan sijelo, li ken pali e ni: ike sijelo li kama ala?