ilo Matoton

tan Wikipesija
o tawa poki nasin o tawa alasa
sitelen lawa pi ilo Matoton

ilo Matoton (toki Inli: Mastodon) li ilo pi toki lili lon ilo sona. ona li sama mute ilo Tuwita. taso toki ilo pi ilo Matoton li wile ala e mani. jan ale li ken kepeken ona. ilo Matoton li lon ma wan ala li lon ma mute. ona li open lon tenpo sike 2016.

soweli pona pi ilo Matoton. ona li lukin sama e soweli pi nena linja.

jan li ken pana e toki e sitelen e sitelen tawa lon ilo Matoton. jan ale li lon kulupu (toki Inli: instance) wan. taso ona li ken toki tawa jan tan kulupu ante. jan ale li ken pali e kulupu sin (kepeken toki ilo pi mani ala) li ken lawa e ona lon nasin pi wile ona. kulupu ale pi ilo Matoton en ilo sama li lon kulupu wan pi ilo nanpa. nimi pi kulupu ni li "ma Petewe" (toki Inli: Fediverse).

linja tawa ma ante[o ante | o ante e toki ilo]