ilo kon pi supa pali

tan Wikipesija
Jump to navigation Jump to search
sitelen pi ilo kon "GNOME" pi supa pali. palisa pali pi sewi lipu en ilo kon lili mute pi sitelen ni li kama tan ilo "GNOME".
sitelen pi supa pali pi ilo kon Plasma (ante nanpa 5.21). palisa pali pi anpa lipu en ilo kon lili li kama tan ilo "Plasma".

ilo kon pi supa pali li ilo kon ni: jan li wile kepeken e ilo sona la, ona li pona tawa ni.

ilo kon ni li pali e ni: ona li pana e sitelen lili pi lipu ilo, e nena pi pali suli tawa ilo lipu. ona la, jan li ken open e ilo kon ante, li ken ante e nasin pi ilo kon, li ken pini e pali pi ilo sona.

ilo kon lawa Winto (Windows) en ilo kon lawa Makinto (macOS) li jo e ilo kon wan pi supa pali.

ilo kon lawa Linu (Linux) li ken jo e ilo kon mute pi supa pali. ona li ante lukin, li ante pali. taso, ona ale li ken open e ilo kon sama, li ken pali e ijo mute sama.

ilo kon "GNOME" en ilo kon "Plasma" li ilo kon suli pi supa pali pi ilo Linu.