ilo sona

tan Wikipesija
o tawa poki nasin o tawa alasa
ilo sona supa

ilo sona li ken pali e ijo. ona li ken awen e sona li ken pana e ona.

ona li sona kepeken nanpa. jan li toki tawa ilo sona kepeken toki ilo.

jan pali mute li kepeken ilo sona. tenpo lili la jan li ken pali kepeken ilo sona.

jan li toki tawa kulupu pi ilo sona la ona li kepeken ilo sona.

ilo en ilo kon[o ante | o ante e toki ilo]

ilo sona li ken pali e ijo mute. taso, ona taso li sona ala e ni: mi wile pali e seme? ilo kon li pona tawa ni. ilo kon li sona nanpa, li lon insa poki sona, li toki e ni: ilo sona li pali e seme?

tenpo pini la, ilo sona li jo e ilo kon wan, li pali e ijo wan. tenpo ni la, ilo kon mute li ken pali lon tenpo sama tan ni: ilo kon lawa li lawa e ilo sona, li pana e ken pali tawa ilo kon ante, li pali e ni: ilo kon ike li ken ala lukin e sona pi ilo kon ante.

nasin ante pi ilo sona[o ante | o ante e toki ilo]

ilo sona supa li suli, li kama jo e wawa ilo tan linja pi wawa ilo.

ilo sona pi ken tawa li ken jama jo e wawa ilo tan poki wawa insa. jan li ken tawa e ona tawa ma ante, li ken kepeken e ona.

ilo sona weka li suli mute, li wile pali lon tenpo ale, li pali tawa jan ante kepeken linluwi anu nasin ante. tenpo mute la, ona li jo ala e ilo lipu, e ilo sitelen pi nena mute.

wan suli pi ilo sona[o ante | o ante e toki ilo]

wan insa[o ante | o ante e toki ilo]

  • ilo pi pali nanpa. ona li lukin e ni: ilo li wile pali e seme, li pali e pali ale, li pana e pali tawa ilo ante.
  • poki sona pi tenpo lili. ilo sona li pali la, poki sona pi tenpo lili li awen e pali ale. ilo sona li pini pali, sona ale li weka tan ona. ilo pi pali nanpa li ken toki tawa ona kepeken tenpo lili.
  • poki sona pi tenpo suli. sona suli ale en ilo kon ale li lon ona. ilo sona li open pali la, ona li kama jo e sona ale tan poki ni. taso, ilo sona li lukin e ona kepeken tenpo suli. tan ni la, poki sona pi tenpo lili li lon.
  • ilo pi pana wawa. ilo ni li kama jo e wawa ilo, li pana e ona tawa ilo ante ale.

wan insa sin[o ante | o ante e toki ilo]

  • ilo pi pali nanpa sitelen. ona li sama ilo pi pali nanpa. taso, ona li pona tawa pali sitelen, tan ni: ilo ante li kepeken nasin wan tawa nanpa wan lon tenpo wan; taso ilo ni li kepeken nasin wan tawa nanpa mute a lon tenpo wan. taso, ona li ken ala awen e nanpa ni tan ilo kon ante, tan jan ike. tan ona la, ilo sona li ken pana e sitelen tawa, e musi pi sitelen tawa.
  • poki pi ilo sin. poki ni li jo ala e ilo. taso, jan li ken sin e ilo ante kepeken ona.

wan sin[o ante | o ante e toki ilo]

  • ilo lipu. ona li pana e sitelen tawa jan.
  • ilo sitelen pi nena mute. jan li ken pana e sitelen tawa ilo sona kepeken ona. nena ona li jo e sitelen. jan li pilin e nena la, ona li pana e sitelen pi nena ni tawa ilo sona.
  • ilo nasin. ilo mute la, jan li ken nasin e ilo sona tawa ma pi ilo lipu kepeken ona.
  • ilo kalama. ilo sona li ken kalama kepeken ona.
  • ilo kute. ilo sona li ken kute e jan kepeken ona.
  • ilo lukin. ilo sona li ken lukin e jan e poka kepeken ona.