ma lawa

tan lipu Wikipesija
Jump to navigation Jump to search
sitelen ma pi ma lawa

ma lawa (toki Inli: country) li ma pi lawa ma. kulupu pi ma mute wan la, ma mute 193 li lon. ma Wasikano li ma pi lili nanpa wan. ma Losi li ma pi suli nanpa wan. mute jan la, ma Sonko li nanpa wan.

lipu lawa pi ma mute li toki e ni: ma lawa li jo e ma e jan lon e kulupu lawa e ken pi toki tawa ma lawa ante. ken la, ma lawa li toki e ni: ma lawa wan ante li ma lawa ante. ken la, ni li jo e tan mute. tenpo mute la, ona li toki e ni: ma ante li jo e ona.

nasin[o ante | o ante e toki ilo]

ilo suli pi kulupu lawa (toki Inli: state) li ijo kon pi kulupu lawa. ma pi ijo ni la, kulupu lawa taso ken kepeken wawa utala. kon pi "ijo suli pi kulupu lawa" la, jan ante li pilin ante. ilo suli pi kulupu lawa li jo sitelen lawa pi ken jan.

ilo suli mute pi kulupu lawa li lon e kulupu wan pi kulupu lawa (toki Inli: federation). taso, ilo suli ante li lon kulupu ala.

ilo suli pi kulupu lawa li kama lon tenpo pini suli. tenpo sama pi ilo suli kama la, ma tomo li kama suli. jan pi nasin pi lawa ala li wile weka e ilo suli pi kulupu lawa.

ma lawa lili[o ante | o ante e toki ilo]

ma lawa lili

ma lawa lili mute li lon. ma Italija en ma Kanse la ma Wasikano en ma Monako li lili mute. taso, ona li jo e toki ken.

ma lawa lili musi[o ante | o ante e toki ilo]

ma Silan

ma Silan en ma Molosija li jo e toki ken ala tan ma ante. kulupu lili anu jan wan li pali e ona. jan ante en lawa ma la, ona li musi taso.