ma Aja

tan lipu Wikipesija
(tan jan Aja)
Jump to navigation Jump to search
ma Aja

Հայաստան

ma lawa
Flag of Armenia.svg

len ma

Coat of arms of Armenia.svg

sitelen lawa

Armenia (orthographic projection).svg
sitelen ma pi ma Aja
ma tomo lawa ma tomo Jelewan
toki lawa toki Aja
nasin sewi 97% nasin sewi Kolisu

3% nasin ante

mani mani Aja (֏) (AMD)
tenpo UTC+4
ISO 3166 AM
lipu ilo www.gov.am

ma Aja (toki Aja: Հայաստան, Hayastan [hɑjɑsˈtɑn]) li ma lawa lon ma Kakasi, lon ma Asija. ma Asepajan, en ma Ilan, en ma Katelo, en ma Tuki li lon poka ona. ma tomo lawa ona li ma tomo Jelewan.

nimi[o ante | o ante e toki ilo]

tenpo pini la nimi pi ma Aja kepeken toki Aja li Հայք. tenpo ni la nimi pi ma Aja lon toki Aja li Հայաստան. ona li jo e stan ("ma") tan toki Ilan. ken la ona li tan jan Hayk. jan sitelen li sitelen e ni: jan Hayk li pali e ma lon nena Alalata. taso ni li lon ala tawa jan mute.

tenpo pini[o ante | o ante e toki ilo]

ma Aja li lon poka nena Alalata. ma Aja en jan Aja en ma tomo Jelewan li majuna mute. ma suli nanpa wan lon poka ma Aja li ma Ulatu. ma Ulatu li toki e toki Ulatu. taso jan lon ma Ulatu li toki e toki Aja li jo e jan Aja. tenpo ni la jan li toki ala e toki Ulatu. ma Ulatu la ma tomo Jelewan li pali. taso ma tomo lawa pi ma Ulatu li ma tomo Tusapa. ma Ulatu li lon ala la nimi "Amenija" li lon. ma Loma pi tenpo pini li lon la ma Aja li suli. jan lawa pi ma Aja li jan Tikan Suli. tenpo pini la jan Aja li jo e nasin sewi Aja. taso tenpo ni la nasin sewi li nasin sewi Kolisu.

tenpo pini la ma Aja li lon ma Saweki.

ma Aja en ma Asepajan li utala pi ma Nakona-Kalaba. ona li jo e jan Aja. taso ma Saweki la ni li lon ma Asepajan. tenpo ni la ma Nakona-Kalaba li lon ma Asepajan.

kulupu jan[o ante | o ante e toki ilo]

jan Aja mute li lon ma Aja. jan ante mute ala li lon ma Aja. ma Aja li 98% jan Aja li 1.1% jan Jasiti li 0.5% jan Losi li 0.4% jan ante. jan Aja mute li lon ma ante ni li: ma Losi en ma Kanse en ma Ilan en ma Mewika en ma Katelo en ma ante. jan Aja li toki e toki Aja taso jan Aja mute li toki e toki Losi tan ni: tenpo pini la ma Aja li lon ma Saweki.

ike la lipu ni li lili. sina wile pona e ona la sina ken suli e ona.