lupi ni li lipu pona

jan Alesante Pusin

tan Wikipesija
o tawa poki nasin o tawa alasa
jan Alesanta Selewali Pusin

Алекса́ндр Серге́евич Пу́шкин
Aleksandr Sergeyevich Pushkin

Kiprensky Pushkin.jpg
kalama [ɐlʲɪkˈsandr sʲɪrˈɡʲe(j)ɪvʲɪtɕ ˈpuʂkʲɪn] (kute lon nimi ni)
ma ma Lusi
pali jan pi sitelen toki
kama lon

1799

moli ma Lusi

1837

jan olin jan Natala Kontalowa
mama jan Natewda Osipona en jan Sele Pusin
jan lili jan Mali Pusin en jan Natala Pusin en jan Alesante Pusin en Kikoli Pusin
kulupu mama kulupu mama Pusin
sitelen nimi
Pushkin Signature.svg


jan Alesante Selewali Pusin (toki Lusi: Алекса́ндр Серге́евич Пу́шкин, Aleksandr Sergeyevich Pushkin [ɐlʲɪkˈsandr sʲɪrˈɡʲe(j)ɪvʲɪtɕ ˈpuʂkʲɪn]) li jan pi sitelen toki tan ma Lusi. ona li suli mute tawa sitelen toki lon toki Lusi. sitelen suli ona li lipu Poli Koteno (Борис Годунов, Borís Godunóv) li lipu "jan Lusan en jan Lumila" (Руслан и Людмила, Ruslán i Lyudmíla).

lon[o ante | o ante e toki ilo]

tenpo sike nanpa 1799 la, jan Alesante li kama lon ma tomo Makuwa. ona li kama tan kulupu mama Pusin. tenpo sike nanpa 1811 la, ona li tawa kama tomo sona. jan Alesante Kunisin (Александр Петрович Куницын) li pana e sona tawa ona. tenpo sike nanpa 1813 la, ona li pali e lipu Mona (Монах, Monak). ni li lipu ona nanpa wan. tenpo sike nanpa 1814 la, sitelen ona li pana lon lipu Wesini Elopa (Вестник Европы). tenpo sike nanpa 1817 la, ona li pini e tomo sona. tenpo sike nanpa 1820 la, ona li pali e lipu "jan Lusan en jan Lumila" (Руслан и Людмила, Ruslán i Lyudmíla).

tenpo sike nanpa 1837 la, jan Alesanta en jan Sose Tante (toki Kanse: Georges-Charles de Heeckeren d'Anthès) li utala. jan Tante li anpa e ona. tan ni la, jan Alesante li moli lon ma tomo Sanpetepu.


Symbol support vote.svg lipu ni li lipu pona.