jan Mikelanselo
|
lipu ni li pini ala li wile e pali. sina ken pini e ona. |
.jpg)
jan Mikelanselo (toki Italija: Michelangelo di Lodovico Buonarroti Simoni) li kama sin lon tenpo sike nanpa 1475, li moli lon tenpo sike nanpa 1564. ona li jan musi, li jan pi pali kiwen, li jan pi sitelen kule, li jan pi sona pi pali tomo, li jan pi musi toki. ona li kama tan ma tomo lawa Pilense (Repubblica di Firenze), li lawa mute e musi pi ma pi poka suno pini. pali ona li wawa li suli tawa tenpo pini ni. jan Lejonato pi ma Winsi taso li suli sama ni.
jan mute li sona mute e sitelen kule ona, e kiwen musi ona, e tomo pali ona. jan Mikelanselo li musi mute, li toki mute kepeken lipu tawa jan ante, li pali mute e sitelen pi pini ala, li pana mute e pilin ona lon sitelen la, ona li jan musi nanpa wan lon tenpo ona tawa sona pi jan sona. tenpo sike ona nanpa 30 li kama la, ona li pali e musi jan Malija pi pilin ike (Pietà), e musi pi jan Dawi (David). ona li toki ike e musi pi sitelen kule. taso ona li pali e sitelen suli tawa sinpin kiwen kin. ona li sitelen e musi sewi lon sinpin insa sewi pi tomo sewi Sisina (Cappella Sistina) lon ma tomo Loma, e musi sewi lon sinpin lon poka pi supa sewi lon tomo sama. ona li sitelen e nasin pali tawa tomo Lawensijana pi lipu sona (Biblioteca Medicea Laurenziana) la, ni li open e nasin sin pi pali tomo. nanpa pi tenpo sike ona li 74 la, ona li awen e pali pi jan lili Antonijo pi ma Sankalo (Antonio Da Sangallo Il Giovane), li sitelen e nasin pali tawa tomo sewi pi jan Peto.
jan Mikelanselo li moli ala la, lipu tu li toki e ale ona. nasin ni li sin a. jan musi ante pi tenpo ona la, lipu li toki e jan musi lon tenpo pi moli pini.
tenpo pi jan Mikelanselo la, jan li nimi e ona kepeken nimi "jan sewi" (Il Divino). ona li ken pana e pilin wawa la, ni li pona suli tawa jan pi tenpo ona. jan musi ante li lukin pali e sama lon tenpo pi moli ona.
pali[o ante | o ante e toki ilo]
meli Matona en jan lili ona[o ante | o ante e toki ilo]
jan Mikelanselo li pali kepeken kiwen walo la, sitelen pi jan Malija (anu jan Matona) li open tawa ni. sijelo jan li tawa lon nasin mute la, ni li kama nasin tawa jan Mikelanselo
meli Matona lon nasin kiwen pi kama sewi (tenpo sike nanpa 1490–1492)
kiwen sike pi jan Tati (tenpo sike nanpa 1502)
meli Matona en jan lili ona (tenpo sike nanpa 1504)
sitelen sike pi jan Toni (tenpo sike nanpa 1504–1506)
sijelo mije[o ante | o ante e toki ilo]
sewi jan lili li musi pi tenpo open tan jan Mikelanselo (tenpo nanpa 1494–95)
sewi Paku pi telo nasa li musi pi tenpo open tan jan Mikelanselo (tenpo nanpa 1496–1497)
jan pali pi awen poki li kama moli (tenpo sike nanpa 1513)
jan pali pi awen poki li awen lon poki (tenpo sike nanpa 1530–1534)
sinpin insa sewi pi tomo sewi Sisina[o ante | o ante e toki ilo]
kule musi li kama lon sewi pi tomo Sisina lon tenpo sike 1508-1212. jan lawa sewi Papa Juliju nanpa tu li wile e jan pona luka luka tu wan pi jan Jesu. jan Mikelanselo li ante e pilin ona sama ni: jan Mikelanselo li ken lawa e sitelen. sitelen ni luka tu tu li tan lipu open tan lipu nasin sewi pi jan Jesu.
jan Nowa li nasa tan telo
pakala ma suli (wan lili sitelen)
sewi li pali e jan Atano (tenpo sike nanpa 1510)
tenpo suno nanpa wan pi open ale
sitelen open pi jan Pemonoje
jan Pemonoje (tenpo sike nanpa 1511)
jan Jelemija pi sona sewi (tenpo sike nanpa 1511)
len ala
sijelo kulupu[o ante | o ante e toki ilo]
utala pi jan soweli (tenpo sike nanpa 1492)
jan Patijano pi ma Sankalo (Bastiano da Sangallo) li sitelen sama e utala pi ma Kasina (Cascina). sitelen mama pi jan Mikelanselo li weka
sewi li pana e wile nanpa pini. ni li wan lili sitelen
jan Peto li kama awen lon palisa ike pi nasin tu
nasin pi pali tomo[o ante | o ante e toki ilo]
open insa pi tomo pi lipu sona
jan Mikelanselo li sitelen sin e nena ma Kapitolinu (Mons Capitolinus) la, selo pi nasin sike mute li lon insa
jan Mikelanselo li sitelen e nasin pali tawa tomo sewi pi jan sewi Peto
sike suli li lawa ona
_MET_DT203424.jpg)
tenpo pini ona[o ante | o ante e toki ilo]
jan Mikelanselo li pali e sitelen musi ni la, jan Nikotemu (Nikodemus) li sama jan Mikelanselo tawa lukin
kiwen jan pi utala pini pona (tenpo sike nanpa 1534)
jan Malija li pilin ike. jan Mikelanselo li pali e sitelen ni tawa jan Witolija Kolona (Vittoria Colonna) (lon poka pi tenpo sike nanpa 1540)
jan Malija li pilin ike lon ma Lontanini (Rondanini). (tenpo sike nanpa 1552–1564)
