jan Mili Sotakowi

jan Mili Sotakowi Дмитрий Шостакович
pali	jan pi kalama musi
kama lon	ma Lusi tenpo sike nanpa 1906
moli	ma Sesesele tenpo sike nanpa 1975

jan Mili Milijepi Sotakowi (toki Lusi: Дми́трий Дми́триевич Шостако́вич) li jan pali wawa pi kalama musi. ona li tan ma Lusi, taso tenpo mute pi tenpo ona la ni li ma Sesesele.

nasin jan

jan Sotakowi en jan Talin

jan Sotakowi li jan lili la, ona li jo e wawa mute pi nasin pi kalama musi. ona li kama suli la, ona li pali e kalama musi suli nanpa wan. ni la jan mute li sona e kalama musi pi jan Sotakowi. jan Talin kin li kute. ni la, lipu li toki e ni: kalama musi pi jan Sotakowi li ike a! ken suli la jan Talin li pali e lipu ni. jan Talin li moli e jan mute la, jan Sotakowi li pilin monsuta. taso, jan Talin li moli e jan pona pi jan Sotakowi taso. jan Sotakowi li pali e kalama musi suli nanpa luka la, jan mute li olin e ni, li toki e ni: "jan Sotakowi li jan lon pi kalama musi pi ma Sesesele!".

jan Sotakowi pi tenpo pi kalama musi suli nanpa wan

jan Talin

utala suli nanpa tu

utala suli nanpa tu la, ma Tosi li pana e kulupu utala mute tawa ma Sesesele. kulupu utala li tawa wawa la ma tomo Leninka li lon insa kulupu utala. jan Sotakowi li lon ma tomo Leninka la, ona li open e pali pi kalama musi suli nanpa luka tu. ona li pali e mute pi kalama musi ni la, ona li weka tan ma tomo Leninka, li pini e pali ni. ma tomo Leninka la moku li lon ala la jan mute li moli. jan pi sona pi kalama musi la, luka luka tu tu taso li lon. taso, ma Sesesele li musi e kalama musi ni lon ma tomo Leninka. ni la jan Sesesele li pilin olin tawa ma Sesesele. jan Tosi li pilin monsuta tawa ma Sesesele. ma Sesesele li anpa e ma Tosi.

ma tomo Leninka li lon insa jan utala pi ma Tosi

ma

ma Sotakowi (en ma Petopen en ma ante mute pi jan pi kalama musi) li lon ma Antasika.