lipu ni li lipu pona

jan Mose

tan lipu Wikipesija
Jump to navigation Jump to search
jan Mose

מֹשֶׁה

Philippe de Champaigne - Moses with the Ten Commandments - WGA04717.jpg
ma ma Masu
pali jan sewi
kama lon ma Masu
moli ma Utun
jan olin jan Sepola
mama jan Iokawete
Amlam
jan lili jan Kilsam
jan Eliesel

jan Mose (toki Iwisi: מֹשֶׁה, "jan li kama jo e ijo tan telo") li jan sewi. ona li jan sona pi nasin sewi Juta. ona li kama e tawa pi jan Jejuta tan ma Masu. ona li jan suli lon nasin sewi Juta. nimi ona ante li موسىٰ (toki Alapi), li Mωυσής (toki Elina), li Moyses (toki Lasina).

jan lili pi jan lawa e open e jan Mose

lon[o ante | o ante e toki ilo]

lon ona li lon lipu Tola. ona li jan Lewi. ona li kama sin lon ma Masu pi tenpo pini. jan lawa pi ma Masu li toki e ni: o pana e jan lili Jejuta tawa nasin telo Nile. jan Jokawete (mama meli pi jan Mose) li pali ala e ni. ona li pana e ona lon ma lon poka telo pi nasin telo Nile. jan lili meli pi jan lawa li kama jo e ona. ona li pana e ona tawa jan Jokawete ona. jan lili pi jan lawa li nimi e ona "Mose" (jan kama jo tan telo). jan Mose kama tawa jan lili pi jan lawa.

jan li kama lon telo suli loje

jan Mose li moli e jan Jute pi ma Masu. ni li kama tawa jan lawa. jan Mose li kama tan ma Masu. ona li kama tawa jan sewi Jopo. jan Mose li olin e jan Sepola (jan lili meli pi jan sewi). ona mute li pali e jan lili: jan Kilsan en jan Elijese.

jan sewi Akwe li toki tawa ona e ni: "o open e kulupu jan sina". jan sewi li pana e palisa tawa ona. jan Mose en jan Alon (mije sama ona) li kama tawa jan lawa. ona li toki e ni: "o open e kulupu jan Jejuta". jan lawa li pali ala e ni. ike luka luka li lon ma Masu: telo loje lon nasin telo Nile; akesi mute; pipi mute tu wan; soweli li moli; jaki lili lon jan en soweli; lete en seli tan sewi; pimeja ali; jan lili pi jan en soweli li moli. jan lawa li open e kulupu jan Jejuta tan ni.

jan sewi li lawa e ona e kulupu jan Jejuta. jan sewi li tu e telo suli loje. jan li kama tawa ma lon poka telo ante pi telo suli. jan utala pi jan lawa pi ma Masi li kama tawa ona mute. taso ona li moli. jan Mose li lawa e jan. ona li kama tawa ma Isale. ona li lon poka ma Isale la, jan sewi li toki tawa jan Mose e ni: "o tawa kama kulupu nena Alawin". jan Mose li kama tawa kulupu nena Nepo en moli.


Symbol support vote.svg lipu ni li lipu pona.