lipu ni li lipu pona

jan Sen Ku

tan lipu Wikipesija
Jump to navigation Jump to search
jan Sen Ku

James Cook

Captainjamescookportrait.jpg
ma ma Juke
pali jan pi tomo tawa lon telo en jan tawa
kama lon ma Juke

1728

moli ma Awawi

1799

jan olin jan Elisepe Pa
jan lili jan Semu
jan Natanije
jan Elisepe
jan Josepe
jan So
jan Ju
sitelen nimi
James Cook Signature.svg


jan Sen Ku (toki Inli: James Cook) li jan pi tomo tawa lon telo li jan tawa tan ma Juke. ona li lawa e tawa tu wan lon telo (tawa nanpa wan en nanpa tu en nanpa tu wan). ona li sitelen lon sitelen ma e ni: ma Nupaulen; ma lon poka telo pi open suno pi ma Kanata en ma Oselija en ma Nusilan; ma poka telo pi pini suno pi ma Amelika lete en telo suli Palata en telo suli Pasipi en telo suli Alansi.

jan li nimi e telo Ku e ma Ku tan ona.

lon[o ante | o ante e toki ilo]

jan Sen Ku li kama sin lon tenpo sike nanpa 1728 lon ma tomo Maton. tenpo sike nanpa 1736 la, kulupu mama ona li kama tawa ma tomo lili Ket Aton. tomo tawa lon telo ona nanpa wan li tomo tawa lon telo Pilowe (toki Inli: Freelove). tenpo sike nanpa 1755 la, ona li pali lon tomo tawa lon telo Ikele (toki Inli: Eagle).

meli olin ona li jan Elisepe Pa. jan lili ona li mute: jan Sen en jan Natanije en jan Elisepe en jan Josepe en jan So en jan Ju.

tawa[o ante | o ante e toki ilo]

tawa nanpa wan (loje) en tawa nanpa tu (jelo laso) en tawa nanpa tu wan (laso)

tawa nanpa wan[o ante | o ante e toki ilo]

jan Sen li tawa lon tomo tawa lon telo Intevol (toki Inli: HMS Endeavour). tenpo sike nanpa 1768 la, ona li kama lon telo. ona li lon e ma Awisi lon tenpo sike nanpa 1769. ona li lon ma Nusilan. ona en jan pi ma Nusilan li utala. tenpo sike nanpa 1770 la, ona li lon ma lon telo pi open suno pi ma Oselija. tenpo sike nanpa 1771 la, ona li lon ma Juke.

tawa nanpa tu[o ante | o ante e toki ilo]

jan Sen li lawa e tomo tawa lon telo Lesolusen (toki Inli: HMS Resolution). tenpo sike nanpa 1772 la, ona li kama lon telo. ona li kama lon telo suli Pasipi. tenpo sike nanpa 1773 la, ona li kama tawa ma lon telo mute pi telo suli Pasipi. tenpo sike 1774 la, ona li kama sin tawa ma Juke.

tawa nanpa tu wan[o ante | o ante e toki ilo]

jan Sen li lawa e tomo tawa lon telo Lesolusen. tenpo sike nanpa 1776 la, ona li kama lon telo. ona li kama tawa ma lon telo mute pi telo suli Pasipi en telo suli Palata. tenpo sike 1778 la, ona li kama tawa ma Awawi. ona li kama tawa pi ma lon poka telo pi pini suno pi ma Amelika lete. ona li kama tawa ma Awawi tan ni: tomo tawa lon telo li pakala. ona li ike tawa jan pi ma Awawi. jan pi ma Awawi en jan pi kulupu pi jan Jemu li utala. jan pi ma Awawi li moli e jan Jemu e jan ona tu tu. jan Tails Klelk li lawa e tawa. tenpo sike nanpa 1780 la, tawa li kama tawa ma Jeku.

sitelen[o ante | o ante e toki ilo]


Symbol support vote.svg lipu ni li lipu pona.