jan Tokin

tan Wikipesija
o tawa poki nasin o tawa alasa
jan Tokin

J.R.R. Tolkien

J. R. R. Tolkien, ca. 1925.jpg
kalama /ˈtɒlkiːn/
ma ma Inli
pali jan pi sitelen toki
jan pi sona toki
kama lon ma lawa Olanje (ma Setapika)

1892

moli ma Inli

1973

jan Tokin (toki Inli: John Ronald Reuel Tolkien) li jan sitelen pi toki Inli li jan pi sona toki. ona sitelen e lipu musi pi jan lili e lipu musi pi jan lawa pi sike wawa. tenpo sike 1892 pi tenpo mun wan pi tenpo suno tu wan la ona li kama lon. tenpo sike nanpa 1973 pi tenpo mun luka tu tu pi tenpo suno tu la ona li moli.

lon pi pali ona[o ante | o ante e toki ilo]

tenpo sike nanpa 1922 la jan Tokin li kama sitelen e lipu Simalilijon. ona li sitelen e lipu musi pi jan lili tawa jan lili tu tu ona. tenpo sike nanpa 1937 la jan Tenli Anujun li pana e lipu tawa ma.

tenpo sike nanpa 1948 la ona li pali e lipu pi jan lawa pi sike wawa. ona li pana e ona tawa kulupu pi jan Alen pi jan Unwin (George Allen & Unwin) la kulupu ni li wile ala pana e lipu ona tawa ma. tenpo sike nanpa 1950 la jan Tokin li tawa kulupu pi jan Kolin (William Collins). taso kulupu pi jan Kolin li toki e ni: "lipu sina li suli ike. sina wile weka e mute tan lipu sina." tenpo sike nanpa 1952 la jan Tokin li tawa kulupu pi jan Alen pi jan Unwin li toki tawa ona: "sina wile la mi lili e lipu mi". taso kulupu Alen en Unwin li wile ala e ni: lipu pi lawa sike pi kama lili. ona li pana e ale pi lipu ni.

tenpo sike nanpa 1960 la lipu pi lawa sike li kama tawa ma Mewika kepeken kulupu lipu Palanteni. lipu ona li kama pona mute mute.

moli ona[o ante | o ante e toki ilo]

ni li tomo moli pi jan Toliken lo tomo pi meli ona

tenpo sike nanpa 1972 la insa pi jan Tokin li kama ike. jan pi pona sijelo li toki e ni tawa ona: "o moku ala e telo nasa loje". 

tenpo seli pi tenpo sike nanpa 1973 la ona li tawa jan pona ona. tenpo suno ante la ona li lon esun musi pi tenpo sike lon pi meli pi jan pona pi jan Tokin. ona li moku lili e telo nasa. tenpo pimeja la ona li pilin ike. tenpo suno la ona li lon tomo pi pona sijelo. tomo ni la jan pona li lukin e lupa insa pi jan Tokin. ona li moli la ona li jo e tenpo sike 81. jan Tokin moli li lon poka pi meli ona.

jan lili ona[o ante | o ante e toki ilo]

jan lili pi jan Tokin li jan Kitope Tokin (Christopher Tolkien). jan Kitope kin li sitelen e lipu pi ma pi mama ona. jan Kitope li pana e lipu Simalilijon tawa ma.