jan la toki:Jan Lolen

tan lipu Wikipesija
Jump to navigation Jump to search

ijo ni li lon sijelo li ken ante e nasin sijelo e pilin[o ante e toki ilo]
Latest comment: 03-0115 comments4 people in discussion

sina ante e nimi pi lipu ni. nimi ni li ike mute. ona li suli mute jan Sa0latoki 2025-02-28T12:07:14 (UTC)Reply[reply]

mi wile kin.ijo ni li lon sijelo li ken ante e nasin sijelo e pilin li sama ijo lawa.mi la,jan li ken kepeken nimi lili lon toki pona li pona.sina o toki e toki sina,mi mute li wile sona e toki sina li ken pana e pali pona.tenpo ni la o ante e nimi anu seme? So Sinjo (toki) 2025-02-28T13:44:26 (UTC)Reply[reply]
kulupu li wile e nasin ni. o lukin e toki jan lon ilo Siko lon kulupu ni: ma pali pi toki pona.
lipu li jo e nimi "ijo lawa" la ona o toki e ijo lawa ale. nasin pi jan lawa li ijo lawa. ilo lukin sike li ijo lawa. oko li ijo lawa. jan Lolen (toki) 2025-02-28T13:49:59 (UTC)Reply[reply]
pona!taso mi jo ala e ilo Siko.mi wile e ni:ante e nimi ante pi sama ala lon lipu ni.mi wile lili e nimi ijo ni li lon sijelo li ken ante e nasin sijelo e pilin tawa ijo lon sijelo pi ken ante e nasin sijelo e pilin.ona li lili li ken ala ken? So Sinjo (toki) 2025-02-28T14:08:26 (UTC)Reply[reply]
toki sina li nasa la mi sona ala e ale pi wile sina. nimi suli li pona tawa kulupu, jan sona kulupu li wile e nimi suli. mi pilin sama jan sona. jan Lolen (toki) 2025-02-28T14:59:09 (UTC)Reply[reply]
toki pona li toki. nimi mute li sama lon toki ali. pona li lon Wikipedia. nimi ona li ike mute mute tan ni: jan ante li ken ala alasa e ni! sina pilin e ni?: jan li sitelen lon alasa e "ijo ni li lon sijelo li ken ante e nasin sijelo e pilin"?? ni li lon ala. jan lawa li wile e ni la, ni li lon ala kin! jan Sa0latoki 2025-02-28T14:40:40 (UTC)Reply[reply]
toki pona en toki ante li ante. toki pona li nasa. nasin ona li ante li nasa. toki pona li wile ala e nasin pi toki ante.
mi wile sona e ijo pi lipu ni la, lipu li jo e nimi "ijo lawa" la ni kin la mi ken ala alasa e ona kepeken nimi.
lipu ante li wile jo e nimi ante. ijo mute li ijo lawa. sina ken ala pana e nimi ni tawa ijo wan taso. lipu li jo e nimi "ijo lawa" la ona o toki e ijo lawa ale. ni la lipu "ijo lawa" o lipu pi nasin Disambiguation.
alasa lipu la, lipu Wikipesija pi toki pona li wile e nasin ante. nasin pi lipu Wikipesija pi toki ante li ken ala pona tawa toki pona. nasin pona li lon ala lon tenpo ni, taso kulupu lipu li jo e ken lili pi wile ni. kulupu lipu li ni: kulupu:toki. kin la, sina ken pana e nimi mute tawa lipu wan kepeken nimi wawa "#REDIRECT [[]] __NIMI_SULI_O_AWEN__". o lukin e lipu ni e lipu ni.
o kama sona e nasin pona pi toki pona. lipu sina la, kepeken wawa lili la mi ken kama sona e ni: lipu li toki e seme. ni la sina wawa. taso, sona sona ala e ijo mute pi nasin pona pi toki pona. o kama sona. jan Lolen (toki) 2025-02-28T15:08:21 (UTC)Reply[reply]
mi pali e ike la, sina pali e sama. nimi ni li suli mute! o toki tawa mi e ni: nimi pi lipu ni li seme? telo suli Alansi, telo suli pimeja, telo suli loje en mute? tenpo Sekon li tawa mute suli tenpo. mi ken ala kepeken e ni: 1. lili pi tenpo Sekon 2. lili pi mute suli tenpo. nanpa tu li nasa mute. jan li sona ala e "mute suli tenpo" la, ona li sona ala e ali. toki pona li jo ala e pilin tan nasin sina. nasin sina la, ijo lili nanpa 4 li lon ala. nimi pi lipu ni li "ijo lili pi wan awen nanpa 4 lon kulupu Mentele". o toki tawa mi e ni: nimi pi lipu ni li seme? "Half-Life", "Integral", "Logarithm", "Вейсманизм-морганизм", "серо-буро-малиновый" en mute. ala. toki pona li jo ala e kulupu Wikipedia tan nasin sina taso. toki pona li jo e nasin tu: kama sin anu kama moli jan Sa0latoki 2025-02-28T16:36:52 (UTC)Reply[reply]
mi wile ala ike tawa sina. taso, ken sina pi toki pona li lili.
toki ante li pana e nimi wan tawa ijo wan, la ona li jo e nimi ante mute. toki pona li pana e nimi mute tawa ijo wan, li jo e nimi ante lili. sina wile toki e ijo pi mute ala lon lipu wan la, nimi sewi pi lipu ni o kepeken nimi mute.
nimi "ijo" li toki e ijo mute. nimi "ijo lawa" la mute li kama lili. nimi "ijo pi lawa pilin" la mute li awen kama lili. sina wile toki e ijo pi mute lili la sina wile kepeken nimi mute. ni li nasin pi toki pona.
o kama lon kulupu pi ilo Siko, o toki tawa jan, o kama sona e wile kulupu. suli la, o kama sona e nasin pona pi toki pona. jan Lolen (toki) 2025-02-28T23:49:48 (UTC)Reply[reply]
mi en sina li jo e nasin ante. mi sona e pilin pi toki pona, taso ni li Wikipesija. ijo li ken ala e nimi mute li lon. ijo li jo e nimi mute la, lipu li lili en ike. nasin sina li lon, nasin mi li lon. taso mi wile kepeken toki pona li toki e suli e mute. nasin sin pi toki pona la, ona li kama awen lon tenpo kama. jan tu li lon kulupu ali lon tenpo ali: jan li wile e sin en jan li wile e awen. toki mi en sina li pona tawa mi. mi wile e pona tawa sina jan Sa0latoki 2025-03-01T00:08:42 (UTC)Reply[reply]
jan li wile e nimi suli,ni li ken mute e sona lili li ken pana e sona tawa jan tawa ijo pi ona li sona ala.lili la,ona li ken lili e nimi. taso,ken la jan li sona e ni:ona li ijo ante.(tenpo ni la.mi ken ala jo e ilo Siko,o wile sona ala e ni.)ken la,o awen e nimi lili taso pana e sona lili mute en jan ante li ken ala sona e ona sama ijo ante.ni li ken ala ken? So Sinjo (toki) 2025-03-01T02:07:49 (UTC)Reply[reply]
toki! mi jan Tepo. mi toki nanpa wan e ni (lon ilo Siko): nasin pi nimi lipu o ante, nimi o kama suli. ken suli la tan wile mi la jan Lolen li ante e nimi lipu. ni la, mi wile toki pona suli e ni: nasin li tan seme? li pona tan seme? li ike ala tan seme?
(a, tenpo la mi o pali e lipu sin tawa jan pali o toki e ale pi nasin ni. taso ni li pali suli. pakala.)

nasin li tan seme?

mi wile e ni: nimi lipu li toki e ijo lipu. mi wile e ni: jan li sona e ijo lipu, la jan li lukin e nimi lipu taso, la jan li sona e ni: lipu li toki e ijo ni. ni li ken wile e ni: nimi lipu li toki e ijo mute.
ni li sama lipu Wikipedia pi toki ante. taso, toki ante ale la, nimi lipu li nimi ijo. sama ni: "kili", "poki lipu", "kalama pi toki Sonko". <- nimi ni li ike ala. taso, toki pona li jo ala e nasin mute ni: nimi ijo wan li ken jo e sona mute. "ijo ni li lon sijelo li ken ante e nasin sijelo e pilin" <- sona ale ni li lon nimi ijo wan la... "ijo sijelo pi ante pi nasin sijelo pi ante pilin" anu sama ni. ni li nasa, nimi "pi" li poki pona ala e ijo toki. nimi "li" li pona mute e ni.
[a, mi sitelen e toki ni la mi kama lukin e ni: nimi li ken kama lili lili sama ni: "ijo sijelo li ante [anu lawa?] e nasin sijelo e pilin"]

"nimi ona li ike mute mute tan ni: jan ante li ken ala alasa e ni! sina pilin e ni?: jan li sitelen lon alasa e "ijo ni li lon sijelo li ken ante e nasin sijelo e pilin"??"

lon la, nimi suli li ike tawa alasa. ken suli la jan li alasa ala e lipu kepeken nimi suli ona. taso ni li toki ala e ni: nimi lili li pona tawa alasa! ken tu li lon:
  • nimi lili li ike tawa alasa la. pakala. mi ale li sona ala pona e lipu tawa alasa lon toki pona. alasa li ken ala. mi ken ala pona e ni.
  • nimi lili li lon li pona tawa alasa la, mi ken pana e nimi lili kin tawa lipu! kepeken nimi wawa "#REDIRECT".

o toki tawa mi e ni: nimi pi lipu ni li seme? telo suli Alansi, telo suli pimeja, telo suli loje en mute?

nimi ni li ike mute ala. ken la ona li ken kama toki lili e ni: telo li lon seme. taso nimi lili ni o awen ni: jan li ken alasa e ona.
  • telo suli Alansi li lon insa pi ma Elopa pi ma Amelika
  • telo suli pimeja li lon insa pi ma Elopa pi ma Asija
  • telo suli loje li lon insa pi ma Asija pi ma Apika

tenpo Sekon li tawa mute suli tenpo. mi ken ala kepeken e ni: 1. lili pi tenpo Sekon 2. lili pi mute suli tenpo. nanpa tu li nasa mute. jan li sona ala e "mute suli tenpo" la, ona li sona ala e ali.

n, ni li pakala. mi ken nanpa e mute suli tenpo kepeken tenpo lili wan Sekon, taso suli tenpo li tenpo Sekon ala.

toki pona li jo ala e pilin tan nasin sina. nasin sina la, ijo lili nanpa 4 li lon ala. nimi pi lipu ni li "ijo lili pi wan awen nanpa 4 lon kulupu Mentele".

a, nimi ante pi toki sina li jo e sona sin suli ala, mi wile ala ante e ona sama ni. mi ante e nimi ni la, ona o kama toki e ni: kiwen ni li sama seme?

nimi pi lipu ni li seme? "Half-Life", "Integral", "Logarithm", "Вейсманизм-морганизм", "серо-буро-малиновый" en mute.

lipu li lon tawa ijo la, open lipu o kama toki e ni: ijo li seme? toki open ni li ken kama nimi lipu.
ijo pi toki sina la mi alasa lili...
  • tenpo pi suli seme la suli ijo li kama kipisi tu
  • nanpa li ante lon tenpo la o wan e ona pi tenpo ale
  • n... suli pi sitelen nanpa
  • mi sona ala e toki Lusi, taso mi alasa e sona la... a, ni li nimi jan. nasin pi jan Wiman pi jan Mokan
  • kule wawa ala?

taso ni li Wikipesija. ijo li ken ala e nimi mute li lon. ijo li jo e nimi mute la, lipu li lili en ike.

mi sona ala e toki ni. nimi li mute la, lipu li suli, anu seme?

toki pona li jo e nasin tu: kama sin anu kama moli

nasin sin pi toki pona la, ona li kama awen lon tenpo kama

taso mi wile kepeken toki pona li toki e suli e mute.

jan tu li lon kulupu ali lon tenpo ali: jan li wile e sin en jan li wile e awen.

a, mi pilin sama! mi wile e nasin sin tan ni: mi la, nasin ni li lon ala la, lipu Wikipesija li ken toki e ale ala. n, ken la jan li kama toki e ijo mute lon ona, taso jan ante li ken ala sona, tan ni: lipu li toki pi lili ike. jan Tepo (toki) 2025-03-01T06:06:53 (UTC)Reply[reply]
pona. mi pilin e sina. ni li utala nasin. utala nasin li pini jan Sa0latoki 2025-03-01T08:48:25 (UTC)Reply[reply]
pona.mi pilin sama kin.utala ni li pini pona. So Sinjo (toki) 2025-03-01T08:55:38 (UTC)Reply[reply]
ni li pona mute jan Sa0latoki 2025-03-01T10:34:43 (UTC)Reply[reply]
tan https://wikipesija.org/index.php?title=jan_la_toki:Jan_Lolen&oldid=38320