toki pona
| toki pona | |
|---|---|
| |
| kalama | /ˈto.ki ˈpo.na/ (sona) |
| mama | jan Sonja |
| kulupu toki | toki sin |
| nasin sitelen | |
| toki luka | toki pona luka |
| nanpa toki | |
| ISO 639-3 | tok
|
| Glottolog | toki1239
|
| IETF | tok
|
toki pona li toki sin musi tan jan Sonja. ona li pali e toki tan ni: jan li ken pona e pilin ona e toki ona. ona li pana pi tenpo nanpa wan e ona lon lipu ilo. open la ona li pini ala. jan Sonja li pana e selo pini toki lon lipu nanpa wan pi toki pona lon tenpo suno 2014. jan li kepeken lipu ona la ona li pu. tenpo sike 2021 la, jan Sonja li pana e lipu sin pi toki pona. ni li lipu ku. ona li poki nimi pi toki pona. open la kulupu li lili. taso ona li kama suli. tenpo mute la kulupu li lon ilo. taso tenpo lili la jan li kama kulupu lon ma lon tenpo pini. nimi pi toki pona li tan toki mute: toki Topisin en toki Sumi en toki Lowasi en toki Epelanto en mute pi toki ante.
tan nimi[o ante | o ante e toki ilo]
nimi "toki" li tan nimi tok pi toki Topisin tan nimi talk pi toki Inli. nimi "pona" li tan nimi bona pi toki Epelanto tan nimi bonus pi toki Lasina.
toki tan pi nimi pi toki pona[1][o ante | o ante e toki ilo]
A
E
I
K
L
N
S
T
tenpo pini[o ante | o ante e toki ilo]
jan Sonja li pana e selo open pi toki pona lon tenpo suno nanpa 8 pi tenpo mun nanpa 8 pi tenpo sike 2001.tenpo suno ni li tenpo suno nanpa 8735 tan tenpo suno pi kama lon pi toki pona.ona li pana e sona pi toki pona lon lipu tokipona.org. open la jan mute li kulupu lon kulupu pi toki pona pi lipu Jaju. tenpo mute la, jan mute li kama sona e toki pona. tan ni la kulupu pi toki pona li kama suli. tenpo la, jan Sonja li pana ante lili sin tawa toki pona.
tenpo sike 2014 la ona li pali e lipu pu lon toki Inli. ona li pana e lipu ni lon toki Kanse lon tenpo sike 2016. lipu pi toki pona nanpa tu (lipu ku) li kama lon tenpo sike 2021.
tenpo sike 2008 la jan pi toki pona li pana e lipu wile la kulupu ISO-639 li wile ala pana e nanpa toki tawa toki pona tan ni: tenpo ona la toki pona li lon lon tenpo lili taso. tenpo sike 2018 la kulupu ISO li weka e lipu wile ante tan ni: kulupu pi toki pona li lili. tenpo sike 2022 la jan pi toki pona li pana e lipu sin tawa kulupu ISO. tenpo ni la ni li pona tawa kulupu ISO. ona li pana e nanpa ni tawa toki pona: "tok".
sitelen en kalama[o ante | o ante e toki ilo]
sitelen[o ante | o ante e toki ilo]
kipisi pi nimi (sitelen Lasina la) li a, e, i, j, k, l, m, n,o, p, s, t, u, w. o sona e ni: o suli ala e kipisi ni. nimi ijo la, o suli e kipisi wan pi ona.
| |||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Aa | Ee | Ii | Jj | Kk | Ll | Mm | Nn | Oo | Pp | Ss | Tt | Uu | Ww | ||||||||||||
kalama[o ante | o ante e toki ilo]
kulupu kalama pi toki pona li lili. ni la jan mute li ken kalama e ona kepeken pali mute ala. kalama open li kalama wawa.
poki anpa la kalama li lon nasin sitelen kalama pi ma ale.
| selo uta | sinpin pi palisa uta | supa pi palisa uta | monsi pi palisa uta | |
|---|---|---|---|---|
| kon nena | m | n | ||
| kon pini | p | t | k | |
| kon pini lili | s | |||
| open | w | l | j |
| sinpin | monsi | |
|---|---|---|
| pini | i | u |
| meso | e | o |
| open | a | |
kalama ken ale la kalama mute mute mute mute luka luka tu [nnp] li lon. kalama ale ken li lon:
| monsi n ala | monsi n | |||||||||
|---|---|---|---|---|---|---|---|---|---|---|
| ∅ | a | e | i | o | u | an | en | in | on | un |
| j | ja | je | ken ala | jo | ju | jan | jen | ken ala | jon | jun |
| k | ka | ke | ki | ko | ku | kan | ken | kin | kon | kun |
| l | la | le | li | lo | lu | lan | len | lin | lon | lun |
| m | ma | me | mi | mo | mu | man | men | min | mon | mun |
| n | na | ne | ni | no | nu | nan | nen | nin | non | nun |
| p | pa | pe | pi | po | pu | pan | pen | pin | pon | pun |
| s | sa | se | si | so | su | san | sen | sin | son | sun |
| t | ta | te | ken ala | to | tu | tan | ten | ken ala | ton | tun |
| w | wa | we | wi | ken ala | ken ala | wan | wen | win | ken ala | ken ala |
wuwojiti[o ante | o ante e toki ilo]
toki pona la, kalama ''wu'' en ''wo'' en ''ji'' en ''ti'' en ''wun'' en ''won'' en ''jin'' en ''tin'' li kalama pi ken ala.
lipu pi toki pona[o ante | o ante e toki ilo]
lipu tan jan Sonja[o ante | o ante e toki ilo]
pu la jan li kepeken lipu nanpa wan pi toki pona tan jan Sonja. ona li toki e nasin toki pi jan Sonja.
lipu ku li lipu sin li lipu nimi pi toki pona tan jan Sonja. lipu ni la, ona li alasa sona tan kulupu pi toki pona.
su la jan Sonja li ante e toki pi lipu jan Osu pi wawa nasa tawa toki pona.
lipu tan jan ante[o ante | o ante e toki ilo]
- nasin suli pi jan Melin - ante toki pi lipu "La vie de Merlin" tan jan Kupu pi ma tomo Temenu
- Toki Pona Stories: meli olin moli tan jan Fingtam Languages
- Toki Pona Stories: akesi seli lili tan jan Fingtam Languages
- jan Linsi en soweli suli tan jan Sam Wilson
- meli lili pi len loje - ante toki pi toki "Rotkäppchen". ante tan jan Sen pi lipu "musi lili".
- soweli Wini Pu en jan pi ale ale ale - ante toki pi lipu "Winnie The Pooh" tan jan Milen
- jan lawa lili - ante toki pi lipu "Le Petit Prince" tan jan Anwan Te Sesupeki
- soweli lili tu wan en soweli ike suli
- open
- uta monsuta
kulupu[o ante | o ante e toki ilo]
kulupu mute pi toki pona li lon.
kulupu pi toki pona lon lipu Wesi li suli nanpa wan. sama la ma pona pi toki pona pi ilo Siko li kulupu suli pi toki pona.
kulupu pi ilo Telekan en kulupu pi lipu Pesepu li lon kin. jan mute li toki e toki pona kepeken ilo Tuwita li kepeken lipu toki.social pi ilo Masoton.
kulupu ma mute li lon. KTPA (kulupu pi toki pona pi ma Anku) li lon kin. sama la kulupu pi toki pona li lon lipu VK pi ma Losi.
o lukin kin[o ante | o ante e toki ilo]
| lipu open:toki pona | |
|---|---|
|
|
|
| ante mute | |