kalama musi

tan Wikipesija
o tawa poki nasin o tawa alasa
jan ni li pana kalama musi kepeken ilo kalama

kalama musi li musi kepeken kalama. jan li pali kalama pona lon tenpo tawa pana kalama musi. kalama musi li lon nasin kulupu jan ali.

jan li ken pana e kalama musi kepeken uta anu ilo kalama. kalama musi mute li jo e toki, taso kalama musi ante li jo ala e toki. kalama mute ken lon e kalama musi. kalama ale ala li kalama musi. taso jan li pana e kalama lon tenpo, kepeken sona pi kalama musi la, ona li ken pana e kalama musi pona. kalama musi ni li ken namako e nena kute.

ona li nasin mute pi kalama musi. kalama musi mute li pana tan ni: pali wan. mute pi pali wan ni li pali pi nasin sewi anu pali lon tomo tawa telo. taso, kalama musi mute li pana tan ni: ona li musi taso.

kalama musi li suli tawa nasin jan mute. tenpo ni la, esun pi kalama musi li suli.

tenpo pini[o ante | o ante e toki ilo]

tenpo majuna[nimi] suli la, jan li pali e kalama musi. jan pi tenpo ni li kama jo e ilo kalama tan tenpo pi sitelen ala lon anpa ma.

sitelen toki li kama la, sitelen toki li toki pi kalama musi. jan li sona e sitelen toki sona tan tenpo ni pi kalama tan ma Palata tan ma Elena tan ma Sonko tan ma Ilan kin. taso, sitelen lili pi awen kalama tan tenpo ni li lon. majuna la, sitelen kalama nanpa wan pi awen lon tenpo mi li kalama musi Uli. ona li kama tan tenpo sike 1400 BCE anu tenpo poka.[1]

sitelen awen pi kalama musi[o ante | o ante e toki ilo]

sitelen lipu[o ante | o ante e toki ilo]

sitelen lipu pi kalama musi
kalama musi ona

tenpo mute la, jan li awen e kalama musi kepeken nasin ni: sitelen e kalama lon lipu. tenpo la, ona li nasin mute pi sitelen e kalama musi. ona li jo e linja pi sitelen lili mute. tenpo ni la, nasin pi awen e kalama musi lon lipu li sama lon ma ali. tenpo open la, nasin ni kama tan ma Elopa. jan ken lukin e lipu ni en pali e kalama musi lon ona kepeken ilo kalama.

sitelen kalama[o ante | o ante e toki ilo]

tenpo ni la, jan ken awen e kalama pi kalama musi kin. kalama musi li pali lon tenpo open la, ona li ken jo e kalama sama kin kepeken nasin ni (jan ken awen e kalama ante kepeken nasin ni). sitelen pi kalama awen li kama lon tenpo suli nanpa 19. tenpo ni la, sitelen pi kalama awen li suli mute tawa nasin ni: jan li kute e kalama musi.

nasin pi kalama musi[o ante | o ante e toki ilo]

ilo pi kalama musi[o ante | o ante e toki ilo]

jan li ken pali e kalama musi kepeken ilo kalama ale.

kalama musi uta[o ante | o ante e toki ilo]

kalama musi uta la, jan li pali e kalama musi kepeken kalama uta ona. kalama musi uta li ken jo e toki kin. kalama musi toki li suli tawa kalama musi. ona li ken jo e jan kalama wan anu jan kalama mute.

lon nasin jan[o ante | o ante e toki ilo]