kalama musi Telo Nasa

tan lipu Wikipesija
Jump to navigation Jump to search

kalama musi Telo Nasa li kalama musi. nimi tan ona li lon toki Epelanto. kulupu jan pi toki Epelanto pi ma Katala li pali e nimi ni li pana e kalama musi ni tawa kama kulupu Ijoko lon tenpo sike 2006. nimi ona li ni:

Alkohol', alkohol',
alkohol', alkohol', alkohol'!
Tien ĉi venis por ebriiĝi
pri esperanto fajfas ni

kalama musi ni li pona mute tawa jan pi kama kulupu ni. jan pi toki pona li insa jan ni li pana e nimi pi kalama musi tawa toki pona. nimi ona li ni:

telo nasa, telo nasa,
telo nasa, telo nasa, telo nasa!
mi kama lon ni pi kama nasa,
toki Epelanto li lawa ala

kama kulupu Ijoko lon tenpo sike 2006 la jan pi toki pona li pana e kalama musi ni lon tenpo pi suno pini pi ma ale tawa jan mute pi toki Epelanto. jan li pilin e ni: tenpo pini la jan li pana ala e kalama musi lon toki pona tawa jan mute. kalama musi ni li nanpa wan.