kama kulupu Ijoko lon tenpo sike 2006
tenpo sike 2006 la kama kulupu Ijoko li lon ma tomo Salajepo lon ma Posan. jan lili pi toki Epelanto pi nanpa 300 li kama tawa ona. jan pi toki pona li lon insa ona li pana sona e toki pona li kama pi kulupu toki.
pana sona[o ante | o ante e toki ilo]
tenpo suno pi nanpa tu pi kama kulupu Ijoko ni la jan pi toki pona li pana sona e toki pona tawa jan ante kepeken toki Epelanto. jan ni li pali e ona tan ni: jan mute pi toki Epelanto lon kama kulupu pi toki akesi li wile kama sona e toki pona.
jan seme li lon[o ante | o ante e toki ilo]
jan pi nanpa luka luka luka wan li kama kulupu. jan ni li ante: jan wan li sona e toki pona, jan tu li sona ala e toki pona.
jan seme li pana sona[o ante | o ante e toki ilo]
- jan Male li pana sona e nimi e nasin toki. ona li kepeken e lipu pi kama sona pi jan Pije en jan Jim Henry.
- jan Mila li toki e kalama pi toki pona.
- jan Pinjo li pana e kalama musi "o lape". tenpo pini la jan Sowelilili li pali e nimi pi kalama musi ni.
kulupu toki[o ante | o ante e toki ilo]
tenpo suno pi nanpa luka wan pi kama kulupu Ijoko ni la jan pi toki pona li kama pi kulupu toki. jan pi nanpa luka luka li lon. jan wan li kama sona e toki pona lon tenpo pini. jan ante li kama sona e toki pona lon kulupu pi kama sona lon kama kulupu Ijoko ni.
jan seme li lon[o ante | o ante e toki ilo]
jan ni pi toki pona li lon:
- jan Niko tan ma Netelan
- jan Pinjo tan ma Netelan
- jan Mila tan ma Sumi
- jan Sami tan ma Posan
- jan Male tan ma Seki
- jan Manu tan ma Wensa
- jan Moku tan ma Tosi
- jan Miki tan ma Netelan
kin la jan ante li lon lili:
- jan Las tan ma Mewika en jan Ana tan ma Posuka li kama li lon lili li weka. ona li toki e ni: mi sona toki lili e toki pona.
- jan Kanse tan ma Kanse li pana e lipu toki tawa jan ante kepeken jan pona ona.
jan li toki e seme[o ante | o ante e toki ilo]
jan ali li toki kepeken toki pona li toki e ni:
- lukin pi tomo poka
- kon en sewi
- lipu sewi Pipija lon toki pona
- kulupu pi toki musi pi ma ali lon toki pona (jan pi ma wan li lukin e toki musi wan pi ma sina li pana e ona tawa toki pona. jan pi ma ante li pali e sama lon ma ona.)
- pana sona pi toki pona kepeken ilo pi sitelen tawa Farbskatol' (jan lawa pi ilo ni li wile pali e ni)
jan Sami li pana e kalama musi Telo Nasa tawa toki pona. jan ali li pana e ona lon tenpo pi suno pini pi ma ali.