lipu ni li lipu pona

kiwen en ilo kipisi en lipu

tan lipu Wikipesija
Jump to navigation Jump to search
Rock-paper-scissors.svg
nasin musi luka
jan musi tu (anu mute)
tenpo pali ala
tenpo musi lili
ijo pi nasin ale suli

musi "kiwen en ilo kipisi en lipu" li musi luka. ona li musi kepeken ken. tenpo pini la jan pi ma Sonko li pali e ona. tenpo pini la ona li tawa ma Nijon. taso tenpo ni la, jan pi ma ale li musi e ona.

nasin musi[1][o ante | o ante e toki ilo]

tenpo mute la, jan tu li musi. taso jan mute li ken musi. jan musi li pana e wan pi sijelo luka lon tenpo sama. tenpo tu wan la, ona li pana e sijelo lon tenpo sama kepeken luka ona. ni li lawa musi: sijelo li sama la, jan ala li kama nanpa wan; jan tu o musi sin. sijelo li ante la, ona li utala kepeken nasin ni:

  • lipu li selo e kiwen
  • ilo kipisi li tu e lipu
  • kiwen li pakala e ilo kipisi

jan pi sijelo sewi li sewi, anu li kama jo e nanpa pona.

sijelo ale li sewi tawa sijelo wan, li anpa tawa sijelo ante. ni la, sijelo ala li pona nanpa wan.

pona ona[o ante | o ante e toki ilo]

tenpo mute la jan li ilo e musi "kiwen en ilo kipisi en lipu" tawa pini e utala, anu tawa lawa e nasin kulupu.

nasin pali pi kiwen en ilo kipisi en lipu[o ante | o ante e toki ilo]

jan li kepeken luka li pali e kiwen anu ilo kipisi anu lipu lon tenpo sama.

  • SssStein.jpg kiwen ― palisa luka ale li lon insa luka
  • SssPapier.jpg lipu ― palisa ale li lon ala insa luka, li lon poka pi ona sama
  • SssSchere.jpg ilo kipisi ― palisa pi suli poka li nanpa wan la, palisa nanpa tu en palisa nanpa tu wan taso li lon ala insa luka.
  • kiwen

    kiwen

  • ilo kipisi

    ilo kipisi

  • lipu

    lipu

sitelen pi musi "kiwen en ilo kipisi en lipu" lon ma Nijon. nasin ni li sama ala musi "kiwen en ilo kipisi en lipu". ona li musi "pipi en akesi en akesi linja".

tenpo pini[o ante | o ante e toki ilo]

musi ni li tan ma Sonko. jan pi ma Sonko li musi e ona lon tenpo mute. ni li sitelen lon lipu Usasu (toki Sonko: 五雜組 (五雜俎))[1]. jan pi ma Sonko li pana e nimi Sosilin (toki Sonko: 手勢令) anu 石头剪刀布 (tenpo ni) tawa musi ni[1]. tenpo pini la, jan pi ma Sonko li pana e ona tawa ma Nijon. nimi ona lon ma Nijon li Tsan Ken (toki Nijon: じゃんけん) anu Intsan (toki Nijon: いんじゃん) anu Sankenpon (toki Nijon: じゃんけんぽん/jankenpon). ma ni la musi li kama sijelo pi tenpo lon, kin tenpo sike ale pi nanpa 20 pi open la musi ni li tawa ma ale[1]. toki Inli la, ona li Losanpo (toki Inli: Roshambo)

sona namako[o ante | o ante e toki ilo]

  • nasin utala ni li lon musi ante kin. musi Pokemon la, wawa seli li pakala pona e soweli kasi, taso wawa kasi li pakala pona e soweli telo, taso wawa telo li pakala pona e soweli seli.

tan sona[o ante | o ante e toki ilo]

  1. ↑ 1.0 1.1 1.2 1.3 [1]
Symbol support vote.svg lipu ni li lipu pona.
tan https://wikipesija.org/index.php?title=kiwen_en_ilo_kipisi_en_lipu&oldid=39864