lipu ku

tan Wikipesija
(tan ku)
o tawa poki nasin o tawa alasa
nimi ku kepeken sitelen pona
Under construction icon-yellow.svg lipu ni li pini ala li wile e pali. sina ken pini e ona.

lipu ku (toki Inli: Toki Pona Dictionary "lipu nimi pi toki pona") li lipu tan jan Sonja tan mama pi toki pona. sike 2021 la lipu ku li kama lon. ona li lipu nimi sin pi toki pona. nimi ku li nimi sin. jan Sonja en kulupu pi toki pona li pali e nimi ni tawa lipu sin ni. jan li ku la ona li kepeken lipu nimi ni pi jan Sonja sama nimi pu.

insa pi lipu ku[o ante | o ante e toki ilo]

open lipu la toki tan jan Sonja li lon. lawa la lipu ku li lipu nimi pi toki pona li jo e nimi 181. nimi 181 ni li kipisi tu wan.

seme li "nimi pu"?[o ante | o ante e toki ilo]

nimi pu li nimi lon lipu pu. lipu ni li lipu lawa nanpa wan pi toki pona. nimi pu 120 li lon.

seme li "nimi ku"?[o ante | o ante e toki ilo]

nimi ku li nimi lon lipu ku li nimi lon lipu pu ala. nimi ku 61 li lon; nimi 16 li nimi ku suli. nimi 45 li nimi ku lili. nimi ku mute li nimi sin tan kulupu pi toki pona.

seme li "nimi ku suli"?[o ante | o ante e toki ilo]

nimi ku suli li nimi sin (anu nimi sin ala) pi lipu ku. jan mute lon kulupu pi toki pona li kepeken nimi ni. nimi ku suli mute li pali kulupu.

poka la nimi tu wan pi nimi ku suli li tan lipu pu. nimi ni li nimi "kin" li nimi "namako" li nimi "oko". jan Sonja li sama e nimi ni lon nimi ante pi lipu pu. taso, ona li kama sin lon kon ona pi tenpo pini.

kin la nimi luka li nimi pi sin ala li tan tenpo pini pi pu ala li lon ala pu. ona li nimi "kijetesantakalu" li nimi "kipisi" li nimi "leko" li nimi "misikeke" li nimi "monsuta". nimi ale ni kin li tan jan Sonja.

seme li "nimi ku lili"?[o ante | o ante e toki ilo]

nimi ku lili li sama nimi ku suli. ona li nimi sin. taso, jan mute li kepeken ona ala. nimi ku lili mute li pali kulupu.

alasa sona pi jan Sonja[o ante | o ante e toki ilo]

o lukin: kama sona pi jan Sonja

jan Sonja li wile sona e nasin nimi kulupu lon ma pona pi toki pona (lon ilo Siko). ona li pali e lipu pi alasa sona mute. nimi mute li lon lipu ni tan alasa sona. jan kulupu pi ilo Siko li pana e sona tawa jan Sonja. jan Sonja li pali e lipu pi nimi ni. sona pi alasa sona ni li lon lipu ku.

seme pi lipu pu li ante lon lipu ku?[o ante | o ante e toki ilo]

nimi "seli"[o ante | o ante e toki ilo]

lipu pu la, sona pi nimi seli li toki ala e ni: nimi "seli" li ken nimi ijo. taso, ona li toki e kon pi nimi ijo pi nimi "seli".

lipu ku la, nimi "seli" li ken nimi ijo.

nimi "nasa"[o ante | o ante e toki ilo]

lipu pu la, nimi "nasa" li jo e kon ni: "jan pi nasin toki insa pakala". taso, kon ni li ike tawa jan mute.

lipu ku la, kon ni li weka tan nimi "nasa".

poki pi nimi ku[o ante | o ante e toki ilo]

nimi ku suli[o ante | o ante e toki ilo]

jan mute pi toki pona li kepeken nimi la ona li nimi ku suli:

nimi ku lili[o ante | o ante e toki ilo]

jan mute pi toki pona li kepeken lili anu kepeken ala nimi la ona li nimi ku lili.

o lukin[o ante | o ante e toki ilo]