kule

tan Wikipesija
o tawa poki nasin o tawa alasa
lipu ni li toki lon kule lukin. sina wile sona lon kule jan la, o lukin e lipu ni: kulupu kule.
kule ko la loje en jelo en laso li kama pimeja.
suno la kule ale wan li walo.

kule li pilin lukin tan suno. nena pi linja suno li ante la ona li ante kule tawa lukin. loje en jelo en laso li kule suli.

nena linja pi suno laso li lili. nena linja pi suno loje li suli.

kule li ante tawa soweli ante. sama la jan li kulupu ante e kule lon toki ona.

linja suno[o ante | o ante e toki ilo]

jan sona li kulupu e linja suno kepeken suli pi nena ona. ante pi suli nena li tan ante pi wawa ona. nena li suli mute anu lili mute la jan li ken ala lukin e ona. suno mute li pana e linja suno mute pi suli nena ante.

suno walo li jo e kule ale. jan li wan e suno kule ale la suno walo li kama lon. ko kule li ante. ko pimeja li jo e ko kule ale. jan li wan e ko kule ale la ko pimeja li kama lon.

kule ijo[o ante | o ante e toki ilo]

sijelo ijo li ante la ijo li ante kule tawa lukin. kule ijo li tan kule suno lon selo ona. ijo li awen lili e suno li pana e suno ante pi kule ona. suno awen li kama seli.

sona kule[o ante | o ante e toki ilo]

jan sona mute li sitelen e ijo kule. taso tenpo nanpa wan la jan Isa Nuton (toki Inli: Isaac Newton) li kama sona e ni: kule li tan suno.