kulupu Ato Sowani Sakomo
| kulupu Ato Sowani Sakomo
Aldo, Giovanni e Giacomo | |
|---|---|
   
| |
| ma | ma Italija |
| pali | sitelen tawa musi |
| kama lon |
1991 |
| kulupu | jan Ato Pajo jan Sowani Tosi jan Sakomo Polesi |
jan Ato Pajo (Aldo Baglio [ˈaldo ˈbaʎʎo]) en jan Sowani Tosi (Giovanni Storti [dʒoˈvanni ˈstɔrti]) en jan Sakomo Polesi (Giacomo Poretti [ˈdʒaːkomo poˈretti]) li jan musi li tan ma Italija, li pali e sitelen tawa musi. ona li kulupu la, nimi kulupu li nimi pi ona tu wan li nimi ni: kulupu Ato Sowani Sakomo (toki Italija: Aldo, Giovanni e Giacomo, "jan Ato en jan Sowani en jan Sakomo"). musi pi sitelen ona li tan ni: jan pi ma Italija lete en jan pi ma Italija seli li jo e nasin ante.[1]
tenpo pini[o ante | o ante e toki ilo]
open kulupu[o ante | o ante e toki ilo]
lon pi jan Ato li open lon ma tomo Palemo, taso ona li awen lon ona lon tenpo lili. ona li tawa ma tomo Milano, li kama sona e jan Sowani. jan Sowani li tan ma tomo Milano. ona tu li kama sona e tawa musi. ona li kama sona e toki musi pi kalama musi lon tomo sona Asenale (toki Italija: Teatro Arsenale). ona tu li kama jo e lipu suli ni: ona li toki e ni: jan tu ni li sona suli e toki musi pi kalama musi. jan Sowani li kama jo e ona lon tenpo sike nanpa 1977, jan Ato li kama jo lon tenpo nanpa 1978. ona tu li pana e pilin musi tawa jan kepeken toki, li kama jo e mani kepeken nasin ni. ona tu li kama lon kulupu ni: kulupu li pali e sitelen tawa Professione Vacanze.
jan Sakomo kin li lon kulupu ni, li jo e lipu sona pi tomo Asenale. kin la, ona li jan pi sona sijelo. ona li pali tu ni lon tenpo sama.[2]
tan sona[o ante | o ante e toki ilo]
- ↑ ni li tan lipu "I migliori sketch di Aldo, Giovanni e Giacomo, ospiti stasera a Sanremo 2016" lon kulupu Il Post lon tenpo 2016-02-09. lipu li awen lon ilo Internet Archive pi awen sona.
- ↑ jan Inla Talija (toki Italija: Irma D'Aria) li toki e ni lon lipu "La mia vita da infermiere prima di Aldo, Giovanni e Giacomo" lon lipu Repubblica.it tan jan Sakomo Polesi lon tenpo 2018-03-26. lipu li awen lon ilo Internet Archive pi awen sona.