kulupu Nintento

tan lipu Wikipesija
Jump to navigation Jump to search
sitelen nimi lawa pi kulupu Nintento

kulupu Nintento (Nintendo) li kulupu esun tan ma Nijon. ona li pana e musi ilo e ilo pi musi ilo. tenpo ni la, jan lawa ona li jan Pulukawa Suntalo (toki Nijon: 古川 俊太郎, Furukawa Shuntarō).

kulupu Nintento li kama lon tenpo sike nanpa 1889. mama ona li jan Jamajusi Pusasilo (toki Nijon: 山内 房治郎, Yamauchi Fusajirō). tenpo open la, ona li pali e lipu musi. tenpo 1960s la, ona li open e esun pi ijo sin. tenpo sike nanpa 1977 la, ona li pana e ilo musi Color TV-Game (toki Nijon: カラー テレビゲーム, toki pona: musi kule pi ilo pi sitelen weka). ilo ni li esun mute. tan ni la, kulupu Nintento li kama kulupu esun pi musi ilo.

tenpo ni la, kulupu Nintento li kulupu suli mute pi musi ilo. ona li pana e kulupu suli mute pi musi ilo: musi Malijo en musi "toki sewi pi jan Seta" en musi Pokemon en musi Topusu No Moli en musi Kapi en musi ante mute.

ike la lipu ni li lili. sina wile pona e ona la sina ken suli e ona.