kulupu Wepalikan
| kulupu Wepalikan
Republican Party | |
|---|---|
.svg) | |
| jan lawa | jan Mako Wali |
| jan lawa pi ma Mewika | jan Tana Tan |
| jan lon | ▲ jan 33,284,020 |
| nasin sin anu nasin awen | nasin awen |
| kule lawa | loje |
| ma sewi pi anu lawa lon ma Mewika | 53 / 100 （53%）
|
| lipu ilo | www.gop.com |
kulupu Wepalikan (toki Inli: Republican Party) li kulupu pi nasin lawa suli pi ma Mewika. kulupu suli ante li kulupu Temokasi. ona li kama lon tenpo pini pi utala insa pi ma Mewika. tenpo ni la, ona li pilin ike tawa poki jan. tenpo sike 1860 la, jan Apajan Linkon li kama jan lawa nanpa wan tan kulupu Wepalikan. tenpo kama la, jan lawa mute pi ma Mewika li tan kulupu Wepalikan.
jan lawa suli ante pi kulupu Wepalikan li jan Tesi Losewe. ona li pana e lipu lawa sin tawa awen e ma kasi. taso, tenpo sike 1929 la, anpa esun suli li open. jan Pankin Telano Wosape pi kulupu Temokasi li kama jan lawa sin. tenpo ni la, kulupu Wepalikan li pilin e ni: lawa ma o pali lili.
tenpo kama la jan lawa kama pi kulupu Wepalikan li jan Wi Asenowe. lawa ona la, kulupu NASA li open.
kulupu Wepalikan la, jan Tana Tan li suli lon tenpo lon. tenpo sike 2016 en tenpo sike 2020 en tenpo sike 2024 la, jan Tona Tun li jan wile pi jan lawa pi kulupu Wepalikan.