kulupu jan An
Jump to navigation
Jump to search
jan mute pi kulupu jan An. [toki 1]
kulupu jan An (toki Sonko: 汉人, 漢人, Hànrén) anu kulupu jan Sonko An li kulupu jan pi tan sama. ona li kama tan ma Sonko. ona li toki e toki pi kulupu toki Sonko. nanpa jan la, ona li kulupu jan nanpa wan pi ma Sonko. kulupu jan ante pi ma Sonko li jo e nanpa lili. nanpa 91.1% pi jan pi ma Sonko li jan pi kulupu An lon tenpo sike 2021.[1] kin la, jan An mute li lon ma ante. nanpa la, ona li kulupu jan nanpa wan pi tan sama lon ma ale. taso, kulupu jan An li jo e kulupu jan lili mute. kulupu ni li jo e toki ante li jo e nasin ante.
nimi "An" li kama tan kulupu lawa mama An (漢朝, Hàncháo). ona li open lawa e ma Sonko lon tenpo sike 202 BCE li pini lawa e ma Sonko lon tenpo sike 220 CE.
tan sona[o ante | o ante e toki ilo]
- ↑ China - The World Factbook CIA World Factbook
toki[o ante | o ante e toki ilo]
- ↑ sitelen sewi meso pi meli wan li jan An ala,ona li lon kulupu jan Mansu.