kulupu jan Wiku
kulupu jan Wiku (toki Wiku: ئۇيغۇرلار / Уйғурлар) li kulupu jan lon ma Sinsan pi ma Sonko. jan mute pi kulupu ni li lon nasin sewi Silami. lawa Sonko li moli e jan Wiku li kepeken e ona tawa pali e len li pake e jan lili pi jan Wiku. tan ni, jan Wiku li wile lawa e ma ona li wile moli ala tan ma Sonko. taso, jan Wiku li toki e ni: "mi wile e ni: ma Sonko li lawa ala e mi" la jan utala Sonko li tawa weka e ona li unpa ika e ona li moli e ona.
ma ante li wile ala pana e pona tawa kulupu jan Wiku tan ma Sonko li ike tawa ma ni. ma Sonko en ma ante li esun e mute. taso, ma ante li ike tawa ma Sonko la ma ni en ma Sonko li ken esun ala.
lawa Sonko Sin (Qing) li lawa e jan Wiku. taso ona li pakala lon sike suno 1911. jan Wiku mute li utala tan sike suno 1934 tawa 1949 tan ona li wile lawa e ma ona. sike suno 1949 la kulupu utala Sonko li lawa e ma Wiku.
jan Wiku li toki e toki Wiku. toki ni li sama toki Tuki. taso, lon tenpo ni, jan li ken ala toki e toki Wiku lon ma Sonko.