kulupu toki Mon-Mijen

tan lipu Wikipesija
Jump to navigation Jump to search
kulupu toki Mon-Mijen

Hmong-Mien

Hmong Mien lang.png

sitelen ma pi kulupu toki Mon-Mijen

kulupu toki Mon-Mijen (Hmong-Mien) li kulupu toki lon ma Asija pi open suno anpa. mute la ona li jo e lawa ni:

  • nimi ale li kulupu kalama wan taso.
    • kulupu kalama li ni: nimi "wan" li kulupu kalama wan. nimi "nimi" li kulupu kalama tu. nimi "kulupu" li kulupu kalama tu wan.
  • ona li ante ala e nimi.
    • toki ante li ante e nimi tan tenpo anu pali anu ijo ante. toki Inli li ante e nimi tan tenpo:
      • I am eating. (mi moku lon tenpo ni.)
      • I ate. (mi moku lon tenpo pini.)
  • ona li jo e kule kalama mute.
    • kule kalama li ni: kalama li ken sewi li ken anpa li ken kama sewi li ken kama anpa li ken kule ante.
  • ona li jo e kalama nena pi wawa ala, sama /m̥/.
  • ona li jo e kalama pi sike monsi, sama /q/.