lanpan ma

lanpan ma la kulupu li lanpan^[nimi] e ma tan kulupu ante, li jan e ona. tenpo mute la ona li pali e ma lawa suli

tenpo pi majuna mute la ma Elena majuna en ma Loma li lanpan e ma. tenpo pi majuna lili la ma mute pi ma Elopa li lanpan e ma. ma Juke, en ma Kanse, en ma Epanja, en ma Netelan, en ma Pesije, en ma Losi, en ma Italija, en ma Osuman li lanpan e ma lon ma Elopa, lon ma Apika, lon ma Amelika, lon ma Asija, lon ma Osejanija. ona li pali e ma lawa suli. kin ma Mewika en ma Sesesele li lanpan e ma. taso ona li toki ala lon ma lawa suli.

tenpo mute la jan pi ma lanpan li wile weka e kulupu lanpan. tenpo ante la kulupu lanpan li kama pilin ante tan kulupu pi ma lanpan. ma Mewika la ni li lon. kulupu li wile anpa ala la, ona li pali e lawa pi anpa ala. tenpo mute la utala li tan ni.

ma Kanse, en ma Juke, en ma Mewika li awen lawa e ma lili mute tan lanpan pini. tawa ona la ni li ma lawa suli ala. ma Netelan en ma Tansi la ma lanpan li kama ma lawa kipisi.

ma lanpan mute la jan pi kulupu majuna li wile e ken, li wile anpa ala. ma mute la ona li jo e wawa lawa namako^[nimi]. taso kin kulupu lawa li ike tawa ona. ona li pana e ken, li lili e ona.