lipu "waso pi ike lukin"
lipu "waso pi ike lukin" (toki Tansi: Den grimme ælling) li lipu lili li toki e ijo pi lon ala li tan jan An Ketan Anasan. ona li pana open lon tenpo suno nanpa luka luka wan lon tenpo mun nanpa luka luka wan lon tenpo sike nanpa 1843. ona li lipu pi jan lili.
nasin lipu[o ante | o ante e toki ilo]
sike mama pi waso mama li pakala la, waso sin li ike lukin tawa waso lili ante. waso ante li pana e pilin ike tawa ona tan ni. ni la waso pi ike lukin li tawa. ona li lukin e kulupu waso ante. waso li lon poka ona. taso jan pi alasa waso li moli e kulupu waso. waso li lukin e tomo. taso ona li tawa tan ona tan ni: waso ante en soweli li pana e pilin ike tawa ona.
waso li lukin e kulupu waso sama ona. ni la ona li pilin pona. taso ona li pilin e ni: ona li ike lukin li lili li ken ala tawa sewi. tenpo lete li kama la, jan pi kasi pali li alasa tomo e waso lili. taso, waso li pilin monsuta tan jan lili ona li tawa. waso li lon lupa pi ma kiwen lon tenpo lete.
waso li kama suli li wile e pilin pona. ni la waso li alasa lon kulupu waso sama ona. ona li pilin nasa tan ni: kulupu waso li pilin pona lon ona. waso li lukin e jasima telo li kama sona e ni: ona li waso pi kulupu waso ni. waso li tawa sewi lon poka pi kulupu waso.