lipu 1984

tan Wikipesija
Jump to navigation Jump to search
tenpo ale la, jan suli li lukin e sina

lipu 1984 (toki Inli: Nineteen Eighty-Four) li lipu pi tenpo kama ken tan jan So Owe (George Orwell). tenpo sike nanpa 1948 la ona li lon e lipu 1984. ona li toki e ni: tenpo sike nanpa 1984 la, lawa li lawa e ale, li lukin e ale pi jan ale.

jan lipu nanpa wan li jan Winson Sumi (Winston Smith). kulupu lawa la ona li pali, taso len la, ona li wile pakala e kulupu lawa. ona li olin e jan poka pali, e jan Julija (Julia). lawa li ike tawa jan Julija kin.

pini pi lipu 1984 la kulupu lawa Insake (Ingsoc) li pakala e jan Winson e jan Julija la jan Winson li toki e ni: "kulupu lawa Insake li pona a!" ni la jan Winson li ken ala lawa e jan Winson. kulupu lawa Insake li lawa e jan Winson.

toki Tokisin[o ante | o ante e toki ilo]

lipu la, lawa li pali e toki Tokisin (Newspeak). ona li weka e nimi mute tawa pona toki. jan li ken wan e nimi mute. toki Inli la, nimi mute tawa ijo wan li lon: "pona mute a" la, "excellent" en "fabulous" en "fantastic" en nimi ante li lon. toki Tokisin li weka e ona, li pana e nimi "doubleplusgood" ("pona namako tu").

suli la, ona li weka e ken toki pi wile pi pakala lawa[tan toki Inli], tawa ni: nasin ken Sapi-Wa la, jan li ken ala toki insa e wile la, ona li ken ala wile e ona. nimi "ken" li kama "pi toki insa ike" ("crimethinkful"). ona li ante e toki insa kepeken nasin ante kin: "unpa pona" ("goodsex") li unpa tawa pali pi jan lili taso, li tawa ala pilin pona.

jan mute li toki e ni: toki pona li sama toki Tokisin. toki pona li toki sin kin, taso lawa li pana ala e ona tawa jan. ona li ante e lawa sina kin, taso ona li wile pona taso e toki insa.