lipu Anaten
lipu Anaten (toki Inli: Anathem) li lipu pi tenpo kama ken tan jan Ni Sipensen (Neil Stephenson). ona li pana e ona lon tenpo suno sike nanpa 2008. nasin sona pi ma mute en utala toki pi lon ijo li toki suli lon lipu ni.
nasin sona lon lipu[o ante | o ante e toki ilo]
lipu Anaten li toki suli e nasin sona. lipu la, jan lipu li toki e nasin sona kepeken nimi sin sama nimi pi toki Inli. taso, nasin sona lipu li lon.
nasin sona wan pi lipu Anaten li nasin sona pi ma mute. pini lipu la, jan lipu li kepeken mute e nasin sona. kulupu jan lipu li lawa e ma mute, li pali nasa. jan lipu ante li toki insa e ni: jan ni li lawa e tenpo.
nasin sona ante pi lipu Anaten li utala toki pi lon ijo. kulupu Posijan li toki insa e ni: oji suli pi ma ante li pana e oji lili ona tawa ma ni, li lon ala. kulupu Alakanjan li toki insa e ni: oji pi ma ni li nimi mi, li lon ala. kulupu ante pi sona lili li toki e ni: ijo pi ma ni li lon. kulupu ni li utala e ona ante.