lipu Pipija
|
jan li wile e ni: lipu ni en lipu "lipu sewi Pipija" li kama wan. (o toki). |
lipu Pipija (Bible) li lipu sewi lon nasin sewi Kolisu lon nasin sewi Jejuta lon nasin sewi Isilan lon nasin sewi ante mute.
lipu Pipija li jo e kipisi mute. nasin sewi Kolisu la, lipu Pipija li tu. ni li lipu toki pi tenpo pini (Old Testament) li lipu toki sin (New Testament). nasin sewi Jejuta la, lipu Pipija li lipu Tanaka (toki Iwisi: תנ"ך). kipisi tu wan pi lipu Tanaka li lon. ni li lipu Tola li lipu Newiwin li lipu Ketuwin.
tenpo nanpa wan la, jan li sitelen e lipu Pipija kepeken toki Iwisi, kepeken toki Alamaja, kepeken toki Elina Koine. jan li ante e toki e lipu Pipija tawa toki mute.
nimi[o ante | o ante e toki ilo]
nimi Pipija li kama tan nimi τὰ βιβλία (tà biblía) pi toki Elina. nimi ni li kama tan ma tomo Byblos. lipu pi ma Masu li tawa ma Elina kepeken ma tomo Byblos.
lipu[o ante | o ante e toki ilo]
lipu Pipija la kulupu lipu tu li lon li lipu toki pi tenpo pini li lipu toki sin. ona tu la lipu lili mute li lon. ni li lipu lili ale:
| nimi pi toki pona | nimi pi toki Lasina |
|---|---|
| lipu pi tenpo open | Liber Genesis |
| lipu pi tawa kulupu | Liber Exodus |
| lipu pi lawa pi jan sewi | Liber Leviticus |
| lipu nanpa | Liber Numeri |
| lipu lawa nanpa tu | Liber Deuteronomii |
| lipu pi jan Josu | Liber Iosue |
| lipu pi jan lawa | Liber Iudicum |
| lipu pi jan Lu | Liber Ruth |
| lipu nanpa wan pi jan Samule | Liber I Samuelis |
| lipu nanpa tu pi jan Samule | Liber II Samuelis |
| lipu nanpa wan pi jan lawa | Liber I Regum |
| lipu nanpa tu pi jan lawa | Liber II Regum |
| lipu nanpa wan pi tenpo pini | Liber I Paralipomenon |
| lipu nanpa tu pi tenpo pini | Liber II Paralipomenon |
| lipu pi jan Esela | Liber Esdrae |
| lipu pi jan Newemiwa | Liber Nehemiae |
| lipu pi jan Topi | Liber Thobis |
| lipu pi jan Jusi | Liber Iudith |
| lipu pi jan Esete | Liber Esther |
| lipu pi jan Jo | Liber Iob |
| lipu pi kalama musi sewi | Liber Psalmorum |
| lipu pi toki sona | Liber Proverbiorum |
| lipu pi jan Kojele | Liber Ecclesiastes |
| kalama musi pi kalama musi | Canticum Canticorum |
| lipu sona | Liber Sapientiae |
| lipu pi jan Sila | Liber Ecclesiasticus |
| lipu pi jan Isaja | Liber Isaiae |
| lipu pi jan Jeremija | Liber Ieremiae |
| toki ike mute | Lamentationes |
| lipu pi jan Palu | Liber Baruch |
| lipu pi jan Esekije | Prophetia Ezechielis |
| lipu pi jan Tanije | Prophetia Danielis |
| lipu pi jan Joseja | Prophetia Osee |
| lipu pi jan Jol | Prophetia Ioel |
| lipu pi jan Amo | Prophetia Amos |
| lipu pi jan Opasija | Prophetia Abdiae |
| lipu pi jan Jona | Prophetia Ionae |
| lipu pi jan Mika | Prophetia Michaeae |
| lipu pi jan Najun | Prophetia Nahum |
| lipu pi jan Wapaku | Prophetia Habacuc |
| lipu pi jan Sepanija | Prophetia Sophoniae |
| lipu pi jan Akaje | Prophetia Aggaei |
| lipu pi jan Sakawija | Prophetia Zachariae |
| lipu pi jan Malaki | Prophetia Malachiae |
| lipu nanpa wan pi kulupu Makape | Liber I Maccabaeorum |
| lipu nanpa tu pi kulupu Makape | Liber II Maccabaeorum |
| nimi pi toki pona | nimi pi toki Lasina |
|---|---|
| toki pi jan Matejo | Evangelium secundum Matthaeum |
| toki pi jan Mako | Evangelium secundum Marcum |
| toki pi jan Luka | Evangelium secundum Lucam |
| toki pi jan Jowanan | Evangelium secundum Ioannem |
| jan poka pi jan Jesu la pali | Actus Apostulorum |
| lipu tawa kulupu Loma | Epistula ad Romanos |
| lipu nanpa wan tawa kulupu Kolinto | Epistula ad Corinthios I |
| lipu nanpa tu tawa kulupu Kolinto | Epistula ad Corinthios I |
| lipu tawa kulupu Kalato | Epistula ad Galatos |
| lipu tawa kulupu Epeso | Epistula ad Ephesios |
| lipu tawa kulupu Pilipi | Epistula ad Philippinenses |
| lipu tawa kulupu Kolose | Epistula ad Colossenses |
| lipu nanpa wan tawa kulupu Tesalonika | Epistula ad Thessalonicenses I |
| lipu nanpa tu tawa kulupu Tesalonika | Epistula ad Thessalonicenses II |
| lipu nanpa wan tawa jan Timosi | Epistula ad Timotheum I |
| lipu nanpa tu tawa jan Timosi | Epistula ad Timotheum II |
| lipu tawa jan Titu | Epistula ad Titum |
| lipu tawa jan Pilemon | Epistula ad Philemonem |
| lipu tawa kulupu Iwi | Epistula ad Hebraeos |
| lipu tawa jan Jako | Epistula Iacobi |
| lipu nanpa wan tawa jan Pesi | Epistula Petri I |
| lipu nanpa tu tawa jan Pesi | Epistula Petri II |
| lipu nanpa wan pi jan Jowanan | Epistula Ioannis I |
| lipu nanpa tu pi jan Jowanan | Epistula Ioannis II |
| lipu nanpa tu wan pi jan Jowanan | Epistula Ioannis III |
| lipu pi jan Jute | Epistula Iudae |
| pana pi jan Jowanan | Apocalypsis Ioannis Apostoli |