nasin lawa

tan lipu Wikipesija
(tan lipu lawa)
Jump to navigation Jump to search
insa pi tomo lawa lon tomo pi ma mute wan

nasin lawa li ni: nasin seme la jan o lawa e kulupu jan. ken la, nasin lawa li suli mute. jan lawa anu lawa kulupu ante li lawa kepeken nasin lawa ante. jan mute ante li pilin ante tawa nasin lawa. ken la, ona li pilin e ni: jan lawa ona li ike anu pona.

ale la, nasin lawa li lon. taso, jan li ken sona ala e nasin lawa.

nasin sona la, jan li toki e nasin lawa. jan li sitelen e nasin lawa ni kepeken nasin nanpa.

lipu lawa[o ante | o ante e toki ilo]

kulupu lawa anu jan lawa li toki li sitelen e nasin lawa lon lipu lawa. lipu lawa li sitelen e ni: jan li ken ala ken pali e ijo. jan li pali e ijo ike tawa lipu lawa la, lawa kulupu li ken ike e jan pali ni.

tenpo pini la, jan lawa Amulapi li pali e lipu lawa nanpa wan tan ni: lipu lawa li weka e utala tan kulupu. jan Amulapi li sitelen e lipu lawa lon kiwen.

tenpo sin la, lawa ma mute li lawa kepeken lipu lawa. kipisi pi wawa lawa la, kulupu pi pali lawa li pali e lipu lawa. kulupu pi lawa lawa li lukin li kepeken e lipu lawa. ni la, lipu lawa o pona tawa jan mute lon ma.

lawa ma la, lipu lawa ante mute li lon. lipu lawa li ante mute lon ma ante.

lipu lawa li jo e kipisi suli tu: lipu lawa kulupu en lipu lawa jan li lon ona.

nasin lawa pi kepeken mute[o ante | o ante e toki ilo]