lipu open ma
o tawa lipu nasin
o tawa ilo alasa
lipu open ma (toki Inli: passport) li lipu. jan li jo e ona la jan li ken tawa ma lawa ante. jan li kama jo e ona tan kulupu lawa. kulupu lawa mute ala li pana e lipu tawa jan pi ma ante sama ni: kulupu lawa pi ma Potuke li pana e ona tawa jan pi ma Omun. ona li ken pona e tawa lon ma ante. tenpo mute la, nimi en tenpo pi kama lon en ma pi kama lon en sitelen jan en sona suli ante li lon lipu ni. sina tawa ma ante la, sina wile jo e ona. jan li jo ala e lipu open ma li tawa ma ante la ona li jan tawa pi ken ala.
