lipu pi jan Konpusi
"jan sona li toki e ni: sina kama sona li lukin e sona la, ni li pona anu seme? jan pona li kama tan ma weka la, ni li musi anu seme? jan li sona ala e sina, taso sina pilin ike ala la, ni li jan pi pali pona anu seme?" - toki nanpa wan pi lipu Anale
lipu Anale (toki Sonko: 論語 / Lúnyǔ) li lipu tan jan Konpusi li lipu sewi pi nasin Konpusi. lipu ni li sitelen e toki e pali pi jan Konpusi. lipu ni li toki e nasin lawa e nasin jan pi nasin Konpusi, e kulupu pi tenpo Siju monsi, e pali pi jan Konpusi pi jan sona. jan sona pi jan Konpusi li sitelen e ni. tenpo mute la jan pi ma Sonko li kama sona e lipu ni.
tenpo Siju utala la lipu pi jan Konpusi li lon. tenpo Sin la, jan lawa nanpa wan li pakala seli e lipu mute. tenpo An la, lipu ante tu wan li lon. tenpo sike ale nanpa tu la, jan Sitenwen (toki Sonko: 鄭玄) li wan e lipu Anale. tenpo Son la, jan Soki li toki lili e lipu tu tu la, lipu ni li kama sewi. tenpo sike ale nanpa 17 la, jan li toki Lasina e lipu ni la, jan pi ma Elopa li sona e lipu ni.
tenpo ni la, lipu Anale li jo e nimi wan ale mute ale, e lipu mute, e linja 508.