ma Alan lete

ma Alan lete Northern Ireland
kalama musi ma (mute)
ma Alan lete lon kulupu ma Piten
ma tomo lawa	ma tomo Pepate
ma suli	ma Juke
toki lawa	toki Inli
toki ante	toki Alan toki Suko pi ma Use
mani	mani Pon pi ma Juke (£)
tenpo	UTC-0
ISO 3166	GB-NIR

ma Alan lete li ma lon ma Alan. ma Juke li lawa e ona. ona li lon poka pi ma Alan lawa. ona li jo e kipisi ma luka wan pi ma lili Use.

ma Alan lete li kama tan ni: jan pi ma Alan li utala tawa ni: ma Juke o lawa ala. taso, jan mute lon ma Use li jan pi nasin sewi Potesu li wile awen lon ma Juke. ma pi jan mute ni li kipisi tan ma Alan ante. tenpo sike nanpa 1921 la, ma Alan ante li kama ma lawa sin, taso ma Alan lete li awen lon ma Juke. taso, ona li jo e kulupu jan pi nasin sewi Katolika. kulupu ni li wile e lawa tan ma Alan. tan ni la, utala mute li kama. jan mute li wile e lawa tan ma Alan la jan ni li toki e ni: kulupu lawa li ike tawa ona.

tan tenpo sike nanpa 1960 tawa tenpo sike nanpa 1970 la, utala sin li kama tan ni: jan pi kulupu Katolika li wile ante. taso, jan pi kulupu Potesu li pilin ante. nimi ona li utala Tupe (The Troubles). utala suli ni li pini lon tenpo sike nanpa 1997 tan ni: ona li toki tawa pini utala tawa ante. taso, utala lili li ken kama lon tenpo ni.