ma meso pi jan Tokin
ma meso (toki Inli: Middle-earth) li ma lon ala tan lipu pi jan Tokin. lipu pi jan lawa pi sike wawa en lipu pi jan lili en lipu Simalilijon li lon ma meso. jan en jan sewi suli (Elves) en jan lili (Hobbits) en jan lili ma (Dwarves) li tan ma meso. taso, akesi seli ike en monsuta Oku li tan ma meso.
ma meso li ma suli pi ma Ata (Arda). tenpo nanpa wan (First Age) la, ma Ata li lipu. taso, tenpo nanpa 3 (Third Age) la, ma Ata li ante tawa sike. ma Ata li ante tawa ma mi tan tenpo nanpa 6 anu tenpo nanpa 7.
kulupu pi ma meso[o ante | o ante e toki ilo]
kulupu jan Anu[o ante | o ante e toki ilo]
kulupu jan Anu (Ainur) li jan tan sewi Elu Iluwata (Eru Ilúvatar). kulupu jan Anu suli li jan Wala (Valar) en kulupu jan Anu anpa li jan Maja (Maiar). jan Solon (Sauron) en jan Molo (Morgoth) li jan Anu ike. jan Kanta (Gandalf) en jan Saluman (Saruman) en jan Lataka (Radagast) li jan Itali (Istari). jan Itali li jan Anu.
jan sewi suli[o ante | o ante e toki ilo]
jan sewi suli (Elves) li kulupu jan majuna. ona li sona mute. ona li toki e toki Kuwenja (Quenya) li toki e toki Sintalin (Sindarin). jan sewi suli li ken moli ala.
jan[o ante | o ante e toki ilo]
jan (Men) li ken moli. taso, kulupu jan pi ma Numeno (Númenor) li ken lon tawa tenpo suli.
jan lili ma[o ante | o ante e toki ilo]
jan lili ma (Dwarves) li lili tawa jan li suli tawa jan lili. ona li lon anpa nena ma li toki e toki Kusu (Khuzdul). mije en meli li jo e linja sinpin suli.
jan lili[o ante | o ante e toki ilo]
jan lili (Hobbits) li lili tawa jan. ona li tan ma Saja (Shire).
akesi seli[o ante | o ante e toki ilo]
akesi seli li monsuta ike. akesi Samake (Smaug) li akesi seli suli. mama pi akesi seli ale li akesi Kalun (Glaurung).
monsuta Oku[o ante | o ante e toki ilo]
monsuta Oku (Orcs) li monsuta ike. ona li jasima tawa jan sewi suli; jan sewi suli ike li ante tawa monsuta Oku. ona li moku e jan li toki e toki pimeja (Black Speech). monsuta Uluka (Uruk-hai) li monsuta Oku ante.