ma Intonesija

tan lipu Wikipesija
Jump to navigation Jump to search
ma Intonesija

Republik Indonesia

Flag of Indonesia.svg

len ma

National emblem of Indonesia Garuda Pancasila.svg

sitelen lawa

kalama musi ma

sitelen:Indonesiaraya.ogg

Indonesia (orthographic projection).svg
ma tomo lawa ma tomo Sakata
toki lawa toki Intonesija
mani mani Intonesija (Rupiah, IDR, Rp)
ISO 3166 IDN


ma Intonesija (toki Intonesija: Indonesia) li kulupu ma pi poka ale telo li lon ma Asija li lon ma Osejanija. poka pi suno kama la telo suli Pasipi li lon. poka pi suno weka la telo suli Palata li lon. ma pi poka ona li ma Malasija li ma Papuwanijukini li ma Simolete li ma Sinkapo li ma Pilipina li ma Wije li ma Pala li ma Oselija.

ma[o ante | o ante e toki ilo]

kulupu ma tu ni li lon: kulupu ma Sunta suli en kulupu ma Sunta lili. kulupu ma Sunta suli la ma Sumatela en ma Sawa en ma Kalimantan en ma Sulawesi li lon. kulupu ma Sunta lili la ma Papuwa en ma Maluku en ma Komoto en ma ante mute pi poka ale telo li lon. ma tomo lawa ona li ma tomo Sakata lon ma Sawa.

nena seli mute li lon ma Intonesija. tenpo mute la ma li ken tawa wawa.

jan pi ma Intonesija[o ante | o ante e toki ilo]

tenpo sike 2022 la jan 277,749,853 li lon ma Intonesija[1]. kulupu jan en toki en nasin sewi en nasin musi li mute. jan li ken sona e jan ante ale kepeken toki Intonesija. toki ni en toki Malasija li sama mute tan toki Malasija li jo e ante lili taso.

tenpo pini[o ante | o ante e toki ilo]

tenpo pini la kulupu lawa mute li lon ma ni. tenpo sike 1319 la kulupu lawa pi ma Masapawi (toki Intonesija: Majapahit) li lon wawa. tenpo sike 1815 la kulupu pi ma Netelan li lawa. tenpo sike 1942 la kulupu pi ma Nijon li lawa. tenpo sike 1945 la jan pi ma Intonesija li lawa kepeken wile ona. tenpo ni la ma Intonesija li kama lon sama ma wan. tenpo sike 2002 la ma Simolete li weka tan ma Intonesija li kama ma sin.

  1. Wolters, Oliver W. ; McDivitt, James F. ; Leinbach, Thomas R. ; Adam, Asvi Warman ; Legge, John David ; Mohamad, Goenawan Susatyo; "Indonesia". Encyclopedia Britannica, ni li tan lipu https://www.britannica.com/place/Indonesia lon tenpo suno 2021-05-27.