ma Isale en ma Ilan li utala

ijo toki lon lipu ni li sin mute li awen kama lon tenpo ni. sina ken sin e ona.

ma Ilan en ma Isale li utala tan tenpo mun nanpa 6 pi tenpo sike nanpa 2025. tenpo suno nanpa 13 pi tenpo mun nanpa 6 pi tenpo sike nanpa 2025 la ma Isale li utala wawa e ma Ilan tan ni: ma Ilan li wile jo e ilo utala wawa. utala li kama la, ma Ilan li kama lon tenpo utala. ma Isale li toki e ni: utala ni li open tan moli e jan meso^[nimi] ala, li tan moli e kulupu lawa pi ma Ilan, li tan ante e kulupu lawa pi ma Ilan, li wile weka e pana pona pi ma Ilan tawa ma Kasa.

ma Ilan en ma Isale li utala
tomo pi ma Isale li pakala
tenpo open	tenpo suno nanpa 13 pi tenpo mun nanpa 6 pi tenpo sike nanpa 2025
tenpo pini	awen (tenpo suno 26)(o sin)
ma	ma Isale en ma Ilan en ma ante
ante	awen ma Isale li utala e ma Ilan tan ona li pilin monsuta tawa ni: ma Ilan li pali e ilo utala wawa. ma Isale li moli e jan lawa utala mute pi ma Ilan e jan sona mute pi ma Ilan. ma Isale li awen e utala. ma Ilan li utala e ma tomo suli mute pi ma Isale. ma Mewika li pakala e ma pi ilo utala wawa lon ma Ilan.
kulupu utala
nanpa wan: ma Isale ma Mewika	nanpa tu: ma Ilan kulupu Ama
jan lawa
nanpa wan: jan Netanijaju jan Isa Eso jan Isale Ka jan Eja Sami jan Tawi Paneja jan Tome Pa jan Tana Tan jan Pita Esa	nanpa tu: jan Ali Komenewi jan Masu Pesekijon jan Asi Nasisate jan Mowama Pakeli X jan Atolawin Musawi jan Osen Salami X jan Kolan Ali Lasi X jan Ami Ali Asisate X
weka
ma Isale li toki e ni: jan 25 li moli jan li sona ala e ma lon pi jan wan jan 1300 li jo e sijelo pakala	ma Ilan li toki e ni: jan 430 li moli jan 1277 li jo e sijelo pakala
weka ali
jan meso wan pi ma Sulija li jo e sijelo pakala jan meso luka pi ma Utun li jo e sijelo pakala jan meso luka pi ma Pilisin li jo e sijelo pakala

ijo lon insa utala

tomo pakala lon ma Ilan

ma Isale li utala e ma Ilan la ma Ilan li ni

tenpo suno nanpa 13 pi tenpo mun nanpa 6

ma Ilan la ma Isale li utala e ma suli mute li moli e jan lawa utala suli mute lon ma Ilan. ma Isale li kepeken e tomo tawa kon 200 li utala e ma 100.

ma Isale la ma li open e tenpo utala li toki e ni: ken la ma Ilan li utala e ma Isale. kulupu utala pi ma Isale li toki e ni: ma Ilan li ken pali e ilo utala wawa mute kepeken tenpo suno lili.

ma tomo Telon la seli mute li lon.

tenpo suno nanpa 14 pi tenpo mun nanpa 6

ma Ilan li toki e ni: ona li pakala e tomo tawa kon tu wan pi ma Isale li lanpan^[nimi] e jan tu.

tenpo pimeja la ma Isale li utala e ma tomo Telon, ma tomo Salan la wawa linja walo li weka tan ni.

jan 60 pi ma Isale li jo e sijelo pakala.

tenpo suno nanpa 15 pi tenpo mun nanpa 6

ma Isale li pana e tomo tawa kon lon ma tomo Telon li pana e ilo pakala luka pi open wawa tawa tomo tawa lon ma tomo Telon.

ma tomo Pajan pi ma Isale la jan 9 li moli.

tenpo suno nanpa 16 pi tenpo mun nanpa 6

ma Isale li pakala e tomo suli wan pi ma Ilan, jan suli tu wan tawa ma Ilan li moli.

ma tomo Te Awi pi ma Isale la tomo mute li pakala. jan 24 pi ma Isale li moli.

tenpo suno nanpa 17 pi tenpo mun nanpa 6

jan Tana Tan li toki e ni lon ilo X: o anpa taso wile ante li lon ala

jan Tana Tan li wile e ni: ma Ilan li toki e ni: ma Ilan li anpa. ona li toki e ni kin^[nimi]: mi mute li lawa e sewi pi ma tomo Telon li wile moli e jan lawa pi ma Ilan. jan Sesi Wan li toki e ni: ken la ma Mewika li kama utala suli ni.

tenpo walo la ma Ilan li pana e ilo utala 20 tawa ma Isale, jan luka li jo e sijelo pakala.

ma Ilan li toki e ni: ona li pakala e tomo tawa kon 28 pi ma Isale taso ma Isale li toki e ni: ni li lon ala.

tenpo suno nanpa 18 pi tenpo mun nanpa 6

ma Isale li toki e ni: ma Isale li pana e tomo tawa kon 50 tawa tomo 20 lon ma tomo Telon.

tenpo suno nanpa 20 pi tenpo mun nanpa 6

ma Ilan li pana e ilo wawa tawa ma suli nanpa wan pi pona sijelo lon ma Isale pi poka seli li pakala e ona li pana e ilo wawa tawa ma tomo Te Awi. jan mute lon ma tomo Epa li jo e sijelo pakala.

tenpo suno nanpa 21 pi tenpo mun nanpa 6

seli suli lon ma tomo Olon en ma tomo Epa.

ma Isale li moli e jan suli tu wan pi ma Ilan.

tenpo suno nanpa 22 pi tenpo mun nanpa 6

ma Isale li toki e ni: ma Isale li pakala e tomo tawa kon tu pi ma Ilan.

tenpo utala la jan Tana Tan en jan Sesi Wan li lon tomo walo

tenpo suno nanpa 22 la ma Mewika li tawa utala ni.

tenpo suno nanpa 23 pi tenpo mun nanpa 6

jan Tana Tan li toki e ni: ma Mewika li pakala wawa e ma Ilan.

ma Mewika li pana e ilo utala mute mute mute mute tawa ma Ilan. ma Ilan li toki e ni: ma wan anu kulupu wan li pana e pona tawa ma Mewika tan pakala e ma Ilan la, ma Ilan li utala e ma ni e kulupu ni.

o lukin kin^[nimi]

• ma Isale en ma Pilisin li utala